प्रत्येक पदार्थांतून आपल्याला पोषक तत्व मिळत असतात. पण मधुमेह असलेल्यांना त्यांच्या डाएटची विशेष काळजी घ्यावी लागते. कारण काही पदार्थांमुळे (Food) त्यांच्या रक्तातील साखरेची पातळी वाढण्याचा धोका असतो. परिणामी असे पदार्थ खाल्ल्याने त्यांची तब्येत बिघडू शकते. प्रत्येकालाच शरीराच्या (Health)चांगल्या कार्यासाठी प्रथिने, खनिजे, जीवनसत्त्वे आणि कार्बोहायड्रेट आवश्यक असतात. अन्नामध्ये कार्बोहायड्रेट्सचे तीन मुख्य प्रकार असतात. त्यात स्टार्च, साखर आणि फायबर याचा समावेश असतो. मधुमेह (Diabetes) असलेल्या लोकांसाठी स्टार्च आणि साखरचे रूपांतर ग्लुकोजमध्ये होते. परिणामी रक्तातील साखर वाढते. रोज खाल्ल्या जाणाऱ्या काही पांढऱ्या रंगाच्या पदार्थांमध्ये स्टार्च आणि साखरेसारखे कार्बोहायड्रेटयुक्त पदार्थ असतात. त्यामुळे रक्तातील साखर वाढू शकते.