Disney Announces Web Series On Mahabharat : वॉल्ट डिस्‍नेने सुरु केलेली कंपनी डिस्‍नी स्‍टुडिओच्‍या शताब्‍दी सोहळ्याला शुक्रवारी अमेरिकेतील कॅलिफोर्नियामधील अनाहाईम शहरात डी २३ एक्‍पोच्‍या धूमधडाक्यात सुरुवात झाली. पहिल्या दिवसाच्या वेगवेगळ्या सत्रांमध्ये डिस्नी, पिक्सार आणि डिस्नी अॅनिमेशन स्टुडिओचे नवीन चित्रपट आणि मालिकांची पहिल्या दिवशी जाहीर करण्यात आले.

या सत्रांदरम्यान, कंपनीने भारतासंबंधीच्या आपल्या महत्त्वाकांक्षी योजनांविषयी माहिती दिली. भारतीय ओटीटी प्रेक्षकांसाठी शुक्रवारी झालेल्या घोषणेतील सर्वात महत्त्वाची गोष्ट म्हणजे पौराणिक गाथा महाभारतावर भव्य मालिका बनवण्याची घोषणा केली. मालिकेच्या स्क्रिप्टवर काम सुरू झाले असून लवकरच कलाकार आणि तांत्रिक टीमची घोषणा केली जाईल.