Disney Announces Web Series On Mahabharat esakal
Disney Announces Web Series On Mahabharat : वॉल्ट डिस्नेने सुरु केलेली कंपनी डिस्नी स्टुडिओच्या शताब्दी सोहळ्याला शुक्रवारी अमेरिकेतील कॅलिफोर्नियामधील अनाहाईम शहरात डी २३ एक्पोच्या धूमधडाक्यात सुरुवात झाली. पहिल्या दिवसाच्या वेगवेगळ्या सत्रांमध्ये डिस्नी, पिक्सार आणि डिस्नी अॅनिमेशन स्टुडिओचे नवीन चित्रपट आणि मालिकांची पहिल्या दिवशी जाहीर करण्यात आले.
या सत्रांदरम्यान, कंपनीने भारतासंबंधीच्या आपल्या महत्त्वाकांक्षी योजनांविषयी माहिती दिली. भारतीय ओटीटी प्रेक्षकांसाठी शुक्रवारी झालेल्या घोषणेतील सर्वात महत्त्वाची गोष्ट म्हणजे पौराणिक गाथा महाभारतावर भव्य मालिका बनवण्याची घोषणा केली. मालिकेच्या स्क्रिप्टवर काम सुरू झाले असून लवकरच कलाकार आणि तांत्रिक टीमची घोषणा केली जाईल.
डिस्नीचे १०० वर्षे : १९२३ मध्ये सुरू झालेली कंपनी वॉल्ट डिस्नीचे चित्रपट, टीव्ही आणि वेब सीरिजच्या जगभरातील चाहत्यांसाठी दर दोन वर्षांनी डी २३ एक्स्पो आयोजित केले जाते. या द्विवार्षिक कार्यक्रमाचा शेवटचा कार्यक्रम २०१९ मध्ये आयोजित करण्यात आला होता आणि कोरोना संक्रमण कालावधीमुळे २०२१ मध्ये त्याचे आयोजन करता आले नाही.
तीन वर्षांनंतर होणाऱ्या या कार्यक्रमाबद्दल जगभरात पसरलेल्या चाहत्यांमध्ये उत्साहाचे वातावरण आहे. अनहाईममधील डिस्नीलँडजवळील कन्व्हेन्शन सेंटरमध्ये शुक्रवारी सुरू झालेल्या डी २३ एक्स्पोला पहाटे पाच वाजल्यापासून लोकांची गर्दी दिसली. या कार्यक्रमात डिस्नीचे अधिकारी कंपनीच्या मालिका आणि पुढील दोन वर्षांत प्रदर्शित होणाऱ्या चित्रपटांची माहिती चाहत्यांना देण्यात आली.
भारतावर डिस्नीचे लक्ष :
डी २३ च्या पहिल्या दिवशी भारतीय प्रेक्षकांसाठी सर्वात प्रमुख सत्र म्हणजे डिस्नी इंटरनॅशनल काँटेण्ट अँड ऑपरेशन सत्र. या सत्रात, डिस्नीच्या इंटरनॅशनल कंटेंट आणि ऑपरेशन्सच्या अध्यक्षा रेबेका कॅम्पबेल यांनी डिस्नीच्या टेलिव्हिजन आणि ओटीटी शाखांच्या मोहिमांविषयी माहिती दिली. कॅंबेल म्हणाल्या की, भारतातील सुमारे ७०० दशलक्ष लोक डिस्नी कंपनीच्या टीव्ही ब्रँड स्टारचे चॅनेल दर महिन्याला पाहातात. देशात डिस्नी प्लस हॉटस्टारच्या ग्राहकांची संख्याही ५८ दशलक्षांवर पोहोचली आहे. भारतातील नऊ भारतीय भाषांमध्ये बनवल्या जाणार्या करमणूक सामग्रीचा उल्लेख करून त्यांनी येथे आलेल्या भारतीय मीडिया टीमचे विशेष स्वागत केले आणि सांगितले की, हे लोक सर्वात लांबचा प्रवास करून येथे पोहोचले आहेत.
'महाभारत' मालिकेची घोषणा : यावेळी बोलताना, डिस्नी इंडियाचे टीव्ही आणि ओटीटी कंटेंटचे प्रमुख गौरव बॅनर्जी यांनी पौराणिक गाथा महाभारतावर मेगा-बजेट वेब सीरिज बनवण्याच्या त्यांच्या भविष्यातील योजना जाहीर केल्या. गौरवने सांगितले की, ही मालिका मूळतः हिंदीमध्ये बनवली जाईल, परंतु ती सर्व भारतीय भाषांबरोबरच परदेशी भाषांमध्येही उपलब्ध असेल. निर्माता मधु मंटेना यांची कंपनी मिथोवर्स आणि अल्लू अरविंदची कंपनी अल्लू एंटरटेनमेंट संयुक्तपणे या मालिकेची निर्मिती करणार आहे. मधु मंटेना यांनी काही वर्षांपूर्वी अभिनेत्री दीपिका पदुकोणसोबत 'द्रौपदी' चित्रपट बनवण्याची घोषणाही केली होती. असे मानले जाते की हा चित्रपट आता वेब सीरिज म्हणून विकसित केला जात आहे आणि यामध्ये महाभारताची संपूर्ण कथा द्रौपदीच्या दृष्टिकोनातून सांगितली जाईल.
करण जोहरची नवी मालिका 'शोटाइम' : डी २३ च्या डिस्नी इंटरनॅशनल कंटेंट आणि ऑपरेशन सत्रादरम्यान, गौरव बॅनर्जी यांनी करण जोहरच्या सुपरहिट शो 'कॉफी विथ करण'बद्दल मनोरंजक माहिती देखील दिली. त्याने सांगितले की करण जोहरने होस्ट केलेल्या या चॅट शोचा सातवा सीझन ओटीटीवर पाहिलेला सर्वात लोकप्रिय चॅट शो बनला आहे. सत्रानंतर जाहीर झालेल्या माहितीमध्ये शोच्या आठव्या सीझनची घोषणाही करण्यात आली. या शिवाय करण जोहर डिस्नी प्लस हॉटस्टारसाठी नवीन वेब सीरिज 'शोटाइम' देखील तयार करणार आहे. या मालिकेत हिंदी चित्रपट जगतातील चित्रपट कुटुंबे आणि बाहेरून आलेले कलाकार यांच्यात सुरू असलेल्या संघर्षाची कथा दाखवण्यात येणार आहे. ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.