सध्या कोरोनामुळे काही ठिकाणी वर्क फ्रॉम होम सुरु आहे. अशावेळी काही ऑफिस कर्मचाऱ्यांना व्हिडिओ मीटिंग अटेंड करावी लागते. या मीटिंगवेळी आपण घरी असलो तरीही टापटीप असणे गरजेचे असते. आपण घरी बसून तरी काम करतोय तर काहीही घातलं तर चालतं हा विचार बाजूला ठेवा आणि व्यवस्थित ड्रेसचा पेहराव करा. जेणेकरून दिवसभर काम करताना मूड फ्रेश राहील आणि मीटिंग दरम्यान आपण व्यवस्थित दिसू. चला तर मग वर्क फ्रॉम होम करताना ऑफिसमधील व्हिडिओ मीटिंगला अटेंड राहण्यासाठी कोणत्या प्रकारचा हटके लूक करायचा त्याबद्दल अधिक माहिती करून घेऊयात.
टी-शर्ट ड्रेस : सध्या घरी वापरण्यास सुटसुटीत आणि ट्रेंडी वाटणारे टी-शर्ट ड्रेस जोमात सुरु आहेत. अनेकजण ही फॅशन फॉलो करत आहेत.ट्रेंडी लूक : लॉकडाउनमध्ये घरच्या घरी फॅशनेबल कपडे घातल्यानं तुमचा मूड मस्त राहील. अशी फॅशन करताना शरीराला किंवा वावरताना त्रास होणार नाही याची काळजी घेतली पाहिजे. यामुळे घरच्याघरी तुम्हाला नवा ट्रेंडी लूकही मिळेल.प्लाझो : फॅशनेबल, घरी आणि बाहेर कुठेही वावरण्यास सुटसुटीत असे कपडे घालणं गरजेचं असते. यासाठी उत्तम पर्याय म्हणजे प्लाझो. त्याच्या जोडीला सुती कुर्ती, क्रॉप टॉप, लाँग कुर्ता, टँक टॉपचा वापरू शकता. हा लूक एकदम भारी दिसून येईल. स्कर्टचा लूक : घरी बसून काम करताना एखाद्या छानशा स्कर्टवर टँक टॉप किंवा कॉटन क्रॉप टॉप घालू शकता. स्वयंपाक किंवा इतर कामं करण्यासाठी कम्फर्टेबल ठरतील असे स्कर्ट नक्कीच वापरू शकता.
सुती ड्रेस : अनेकांना सुती ड्रेस वापरायला खूप आवडतात. कारण ते कोणत्याही ऋतुमध्ये वापरता येते तसेच त्या ड्रेसमध्ये जास्त गर्मी न होता हवा खेळती राहते. सुती कुर्तीमध्ये तुम्ही अधिक खुलून दिसण्यासाठी अॅक्सेसरीजचा वापर करू शकता. साजेसा आणि मनाला उभारी देणारा पेहराव केलात तर कामात सकारात्मकता राहील.मिडी फॅशन : सध्या मिडी ड्रेस ही फॅशन ट्रेंडमध्ये आहे. आता लॉकडाउनच्या काळात ही फॅशन घरच्या घरी ट्राय करू शकता. छोट्या फुलांचे प्रिंट आणि घेर असलेल्या मीडिजची फॅशन जोमात आहे. घरी वापरण्यासाठी मिडी ड्रेस अगदी योग्य आहे. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.