Fathers day 2022: 'या' बापलेकांनी गाजवले क्रिकेटचे मैदान, PHOTO

धनश्री ओतारी

Updated:१९ जून, २०२२, ९:३८ AM

जगभरात आज म्हणजेच 19 जून रोजी फादर्स डे साजरा केला जातोय. फादर्स डे (Father's Day 2022) दरवर्षी जूनच्या तिसऱ्या रविवारी साजरा केला जातो. सर्वात प्रथम 1910 मध्ये फादर्स डे साजरा करण्यात आला. दरम्यान, आज क्रिकेट जगतातील हिट बाप लेकांच्या जोडीबद्दल जाणून घेऊ...

लाला अमरनाथ आणि मोहिंदर अमरनाथ हे दोघेही वर्षानुवर्षे भारतीय संघासाठी क्रिकेट खेळले. लाला अमरनाथ हे स्वातंत्र्यानंतर भारताचे पहिले क्रिकेट कर्णधार होते आणि त्यांनी 1952 मध्ये पाकिस्तानविरुद्धच्या पहिल्या कसोटी मालिकेत भारताचे नेतृत्व केले. कसोटी क्रिकेटमध्ये भारतासाठी शतक झळकावणारे ते पहिले फलंदाज होते. याशिवाय त्यांचा मुलगा मोहिंदर अमरनाथ यानेही भारतासाठी अनेक ऐतिहासिक खेळी खेळल्या. लॉर्ड्स येथील ऐतिहासिक 1983 विश्वचषक विजेत्या संघाचा तो भाग होता. विश्वचषक उपांत्य फेरी आणि अंतिम फेरीत त्याला सामनावीराचा किताब मिळाला.

रॉजर बिन्नी हे 80 च्या दशकातील भारताच्या सर्वोत्तम अष्टपैलू खेळाडूंपैकी एक होते. 1983 च्या ऐतिहासिक विश्वचषक विजयात त्यांचा मोलाचा वाटा होता. या मालिकेत त्यांनी 18 विकेट्स घेतल्या आणि त्यानंतर 1985 च्या ऑस्ट्रेलियातील वर्ल्ड सीरिज क्रिकेट चॅम्पियनशिपमध्ये त्यांनी या पराक्रमाची पुनरावृत्ती केली आणि 17 विकेट घेतल्या. त्यांचा मुलगा स्टुअर्ट बिन्नी हा अष्टपैलू खेळाडू आहे. मात्र, त्याची कारकीर्द फारशी प्रभावी नव्हती. तो भारतासाठी फक्त 6 कसोटी आणि 14 एकदिवसीय सामने खेळला आहे. त्याची सर्वोत्तम धावसंख्या बांगलादेशविरुद्ध ६/४ होती.

विजय मांजरेकर यांनी भारतासाठी ५५ कसोटीत ७ शतके आणि १५ अर्धशतकांसह ३२०८ धावा केल्या आहेत. ते एक उत्कृष्ट कटर गोलंदाजही होते. त्याच वेळी, त्यांचा मुलगा संजय मांजरेकर याने भारतासाठी 37 कसोटींमध्ये 2,043 धावा आणि 74 एकदिवसीय सामन्यांमध्ये 1,994 धावा केल्या.

सुनील गावसकर हे जगातील महान फलंदाज मानले जातात. 10,000 कसोटी धावा करणारे ते पहिले कसोटी फलंदाज ठरले. मात्र, त्यांचा मुलगा क्रिकेटमध्ये फार काही करू शकला नाही. रोहन गावस्करने भारतासाठी 11 एकदिवसीय सामने खेळले आहेत. तो डाव्या हाताचा फलंदाज आणि गोलंदाज आहे. सध्या वडील आणि मुलगा दोघेही क्रिकेट कॉमेंट्री करतात.

ही पिता-पुत्राची जोडी इतरांपेक्षा थोडी वेगळी आहे. या प्रकरणात मुलाने वडिलांना मागे टाकले. मध्यम वेगवान गोलंदाज योगराज सिंग यांनी भारतासाठी फक्त एक कसोटी आणि सहा एकदिवसीय सामने खेळले आणि त्यानंतर त्यांनी चित्रपटसृष्टीत पाऊल ठेवले. दुसरीकडे त्यांचा मुलगा युवराज सिंग 17 वर्षे आंतरराष्ट्रीय क्रिकेट खेळला. युवराजने भारतासाठी 304 एकदिवसीय सामने खेळले आणि 14 शतके आणि 52 अर्धशतकांच्या मदतीने 8701 धावा केल्या. 2011 च्या विश्वचषक विजयातील तो प्रमुख खेळाडू होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

Fathers day 2022: 'या' बापलेकांनी गाजवले क्रिकेटचे मैदान, PHOTO

Also Read

IPL 2024 RCB vs GT: फाफची दमदार सुरुवात अन् कार्तिकचा फिनिशिंग टच... मधली फळी गडगडली तरी बेंगळुरूची विजयाची हॅट्रिक

Sharad Pawar : 'होय, शरद पवार अतृप्त आत्मा....'; किरण मानेंनी कारकीर्दच मांडली

ISL 2024: मुंबई सिटी ठरले चॅम्पियन! अंतिम सामन्यात मोहन बगानला चारली पराभवाची धूळ

Prajwal Revanna Case : एचडी रेवन्ना एसआयटीच्या ताब्यात; प्रज्ज्वल यांच्याविरोधात CBI कडून ब्लू कॉर्नर नोटीस निघण्याची शक्यता