सैन्यदल आणि स्थानिकांनी केली श्रींची प्रतिष्ठापना sakal
पुणे : पारंपरिक कपडे, ढोल ताशाचे पथक, विविध पताका आणि रांगोळ्या अशा वातावरणात गणरायाचे स्वागत केल्याचे चित्र आपल्याला सर्रास पाहायला मिळते. मात्र उत्तर काश्मीरच्या मच्छल सेक्टरमध्ये भारतीय सैन्यदलाने गणरायाचे केलेले आवळेवगेळे स्वागत पाहायला मिळाले. सैन्याची वर्दी, देशप्रमासह गणरायाची भक्ती, सैन्याच्या गाडीच्या छतावर विराजमान झालेले गणराया, अशा स्वरूपात गणरायाची मिरवणूक काढत प्रतिष्ठापना करण्यात आली.
लष्करी जवानांबरोबर स्थानिकांनी देखील या उत्सवाचा आनंद लुटला. यावेळी लेझीमच्या गजरात श्रींचे आगमन झाले. जवानांनी बाप्पाच्या स्वागतासाठी केलेल्या कल्पनेचे स्थानिकांनी कौतुक देखील केले. भक्तांवर आलेले विघ्न दूर करण्यासाठी गणराया धावून जातात. तर लष्करी जवान हे देशावरील विघ्न दूर करण्याची महत्त्वाची जबाबदारी पार पाडतात. या दोन्ही विघ्नहर्त्यांच्या अनोखा मिलाप त्या मिरवणुकीत पाहायला मिळाला.शत्रूंपासून देशाचे संरक्षण व्हावे यासाठी सीमेवर भारतीय सैन्य तैनात आहे. सामान्य नागरिकांप्रमाणे सीमेवर लढणारे हे सैनिक देखील गणेशाची भक्ती करतात. अशावेळी त्यांच्यात ही आनंदाचे वातावरण निर्माण व्हावे तसेच येथील स्थानिकांना भारताच्या इतर परंपरेशी जोडण्याकरिता गणेशोत्सव साजरा करण्यात आला. यावेळी सैन्यदलाबरोबर येथील स्थानिक लोकांनी उत्साहात गणपतीच्या मिरवणुकीत सहभाग घेतला.
तसेच गणपतीच्या मिरवणुकीत सैनिकांनी लेझीम सादर केले व ग्रामस्थांनी संपूर्ण मिरवणुकीचा आनंद घेतला. मंदिरात मूर्तीची स्थापना करत स्थानिकांना मोदक प्रसादाच्या स्वरूपात वाटण्यात आले. या वर्षीच्या गणेशोत्सवाचे वैशिष्ट्य म्हणजे यंदाची गणेश मूर्ती मच्छल खोऱ्यात तैनात सैनिकांनी स्थानिक मातीपासून तयार करण्यात आली होती.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.