रत्नागिरी : हिंदू एकतेचे विराट शक्तीप्रदर्शन करत, आज गुढीपाडव्यानिमित्त नववर्ष स्वागतयात्रा काढण्यात आली. मास्कमुक्त आणि कोरोनाचे निर्बंधमुक्त यात्रेमुळे जल्लोष करण्यात आला. भारत माता की जय, वंदे मातरम अशा घोषणांसह प्रभू श्रीराम आणि छत्रपती शिवरायांचा जयजयकार करण्यात आला. ढोलपथक, सजीव देखावे, चित्ररथांसह निघालेली ही मिरवणूक चार ते साडेचार तास सुरू होती. ग्रामदैवत श्री भैरी मंदिरातून सुरू झालेल्या या यात्रेची सांगता समाजमंदिर पतितपावन मंदिरात हिंदुत्वाची शपथ घेऊन झाली. पारंपरिक वेषभूषेमध्ये स्वागतयात्रा रंगतदार झाली.