दाक्षिणात्य चित्रपटसृष्टीतील सर्वांत लोकप्रिय अभिनेत्री प्रियामणीचा आज वाढदिवस. सोशल मीडियाद्वारे प्रियामणीवर शुभेच्छांचा वर्षाव होत आहे.
४ जून १९८४ रोजी बेंगळुरूत प्रियामणीचा जन्म झाला. तिचं पूर्ण नाव प्रिया वासूदेव मणि अय्यर आहे. प्रियामणीचं सध्या चर्चेत येण्यामागचं आणखी एक कारण म्हणजे 'द फॅमिली मॅन' या सीरिजमध्ये तिने साकारलेली भूमिका.
'द फॅमिली मॅन' या वेब सीरिजच्या दोन्ही सिझनमध्ये प्रियामणीने अभिनेता मनोज वाजपेयीच्या पत्नीची भूमिका साकारली आहे.
प्रियामणीने स्वबळावर इंडस्ट्रीत स्वत:चं वेगळं स्थान निर्माण केलं. दाक्षिणात्य चित्रपटसृष्टीतील आघाडीच्या अभिनेत्रींमध्ये तिचं नाव घेतलं जातं.
प्रियामणीचे वडील प्लांटेशन व्यवसायात असून तिची आई माजी राष्ट्रीय बॅडमिंटनपटू आहे. फारच कमी लोकांना माहित असेल की, प्रियामणी ही अभिनेत्री विद्या बालनची चुलत बहीण आहे. तिने तेलुगू, तमिळ आणि मल्याळम चित्रपटांमध्ये भूमिका साकारल्या आहेत.
प्रियामणीने 'रावण' या मणिरत्नम दिग्दर्शित चित्रपटातून बॉलिवूडमध्ये पदार्पण केलं. यामध्ये तिने अभिषेक बच्चनच्या बहिणीची भूमिका साकारली होती. त्यानंतर 'रक्त चरित्र २', 'द्रोणा' या चित्रपटांमध्ये तिने काम केलं.
शाहरुख खान आणि दीपिका पदुकोण यांच्या 'चेन्नई एक्स्प्रेस' या चित्रपटातील '१२३४ गेट ऑन द डान्स फ्लोअर' हे तिचं गाणं खूप गाजलं.
सध्या 'द फॅमिली मॅन २'मधील तिच्या भूमिकेचंही फार कौतुक होतंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.