नवी दिल्ली : 15 जानेवारी हा दिवस भारतीय सेना दिन (Indian Army Day 2022) फील्ड मार्शल केएम करिअप्पा (Lieutenant General KM Kariappa) यांच्या सन्मानार्थ साजरा केला जातो. भारताचा 74 वा लष्कर दिन यंदा साजरा होत आहे. नवी दिल्ली आणि सर्व लष्करी मुख्यालयात 15 जानेवारी रोजी लष्करी परेड, लष्करी प्रदर्शन आणि इतर कार्यक्रम आयोजित केले जाते.

सीमेचे रक्षण करणाऱ्या आणि भारताचा अभिमान वाढवणाऱ्या सैनिकांचा सन्मान करण्याचा हा दिवस आहे. हा दिवस वेगवेगळ्या पध्दतीने सादरा केला जातो. या दिवसात खादीला ही तितकेच महत्त्व असते. राजस्थानातील जैसलमेरमध्ये भारत-पाकिस्तान सीमेवर 'खादी' पासून बनवलेला जगातील सर्वात मोठा राष्ट्रध्वज प्रदर्शित करण्यात आला. हा ध्वज 225 फूट लांब आणि 150 फूट रुंद आहे. (Jaisalmer in Rajasthan India Pakistan Border National Flag Displayed)