मुंबई : लांब पल्ल्याच्या गाड्यांच्या प्रवाशांना, पर्यटकांना तात्पुरत्या कालावधीसाठी निवास करण्यास अनेक अडचणी येत होत्या. ज्याठिकाणी निवासाची सोय आहे, तिथे जादा पैसे मोजावे लागत होते. त्यामुळे प्रवाशांना, पर्यटकांना तात्पुरत्या निवासासाठी ‘पॉड हॉटेल' (Pod Hotel)किफायतशीर दरात सुरू करण्यात आले आहे. भारतीय रेल्वेतील मुंबई सेंट्रल (Mumbai Central Railway)येथील पहिल्या पॉड हॉटेलचे उद्घाटन केंद्रीय रेल्वे, कोळसा आणि खाण राज्यमंत्री रावसाहेब दानवे (Raosaheb Danve)यांनी बुधवारी, (ता.17) रोजी करून प्रवाशांच्या, पर्यटकांच्या सेवेसाठी सज्ज केले.