IPL 2022 मेगा ऑक्शन (IPL Mega Auction) 12 आणि 13 फेब्रुवारी रोजी होणार आहे. यावेळी मेगा लिलाव बंगळुरू (Bengaluru) मध्ये पार पडणार असून अनेक दिग्गजांना आपल्या ताफ्यात सामील करुन घेण्यासाठी 10 फ्रँचायझीमध्ये चढाओढ पाहायला मिळेल. लखनऊ आणि अहमदाबाद हे दोन नवे संघ पहिल्यांदाच मैदानात उतरणार आहेत. संघ बांधणी करण्यासाठी ते मोठी रक्कम खर्च करु शकतात. विद्यमान फ्रँचायझी नव्या संघावर भारी ठरणार की नवे संघ लिलावाच्या आखाड्यात बाजी मारणार हे पाहणे खूपच रोमहर्षक असणार आहे. या लिलावात विदेशी सलामीवीर खेळाडूंसाठी मोठी बोली लावल्याचे पाहायला मिळू शकते. जाणून घेऊयात त्यात कोणत्या दिग्गज खेळाडूंची चलती असेल.