शिरोळ : कोल्हापूर जिल्ह्यासह पश्चिम महाराष्ट्रातील अनेक भागात काल रात्रीपासून मुसळधार पाऊस सुरु आहे. काल रात्रभर झालेल्या पावसामुळे सातारा, सांगलीसह परिसरातील काही नद्यांच्या पाणी पातळीत वाढ झाली आहे. पावसाच्या संततधारेमुळे काही ठिकाणी दरडी कोसळणे, वाहतूक ठप्प होणे अशा घटना घडल्या आहेत. अनेक ठिकणी पाणी पात्राबाहेर पडल्याने शेती शिवारात घुसले आहे. एकाच रात्रीत झालेल्या पावसामुळे कोल्हापूर जिल्ह्यतील ४८ बंधारे पाण्याखाली गेले आहेत. पंचगंगा पाणी पातळीत वाढ झाली आहे. पावसाची उघडझाप असली तरीही धरण क्षेत्रात पावसाचा जोर कायम आहे. रात्रभर पावसाचा तडाखा जोरात असल्याने उसासह भाजीपाला व नव्याने पेरणी केलेल्या शिवारामध्ये पाणी साचून राहिले. यामुळे नुकसान होण्याची शक्यता वाढली आहे. विशेष करून या पावसाने भाजीपाला काढणीला मोठा व्यत्यय आणला. या परिस्थितीचा आढाव घेणारे छायाचित्र घेतलेत शेडशाळच्या सुरेश मेंगे यांनी...