जगभर थैमान घालत असलेल्या कोरोनामुळे संपूर्ण भारतात संचारबंदी घालण्यात आलेली आहे. अशातच मुंबईतून मनाला सुखावून जाणारी दृश्य पाहायला मिळत आहे. मुंबईतील संजय गांधी नॅशनल पार्क परिसरात वन्यप्राण्यांचा मुक्त संचार आता पाहायला मिळत आहे.

संचारबंदी मुळे येथे लोकांची वर्दळ पूर्णपणे थांबली असून या अभयारण्याला खऱ्या अर्थाने जंगलाचे स्वरूप प्राप्त झाले आहे. मुंबईतील सकाळचे वाचक स्वप्नील नावडकर यांनी या परिसरातील काही मनमोहक अशी छायाचित्रे घेतली आहेत. या छायाचित्रात हरणांचा कळप मुक्तपणे फिरत असताना दिसतोय. तर एका छायाचित्रात माणसांप्रमाणे हरीण रस्त्यावर वॉकिंगला आलेलं दिसत आहे. तसेच निसर्गाचे सुंदर रूप या छायाचित्रातून आपल्याला पाहायला मिळत आहे.
(छायाचित्रे - रफिक पठाण)