लग्नाला (marriage) १० १५ वर्ष झाल्यानंतर घटस्फोट (divorce) घेणे अत्यंत सामान्य बाब झाली आहे. आजकाल अनेक सेलिब्रिटी लग्नाला २०-२५ वर्ष झाल्यानंतर घटस्फोट घेण्याचे प्रमाण वाढले आहे. यात घटस्फोटानंतर दिली जाणारी पोटगी हा चर्चेचा विषय ठरतो आहे. २०२१ या वर्षी बिल गेट्स आणि मेलिंडा यांचा घटस्फोट सर्वात महागडा ठरला. आणखीही काही सेलिब्रिटींचे घटस्फोट महागडे होते.

लग्नाच्या २७ वर्षानंतर बिल आणि मेलिंडा गेट्स यांनी ३ मे रोजी घटस्फोटाचा निर्णय घेतला. ही बातमी प्रसिद्ध झाल्यावर सगळ्यांना आश्चर्य वाटले. Twitter वर ही बातमी देताना त्यांनी सांगितले की आम्ही आमच्या फाऊंडेशनचे कार्य सोबत मिळून करू. मेलिंडाला किती पोटगी मिळाली हे अद्याप उघड झालेले नाही. मात्र, त्यांचा घटस्फोट सर्वाधिक चर्चिला गेला.