Minister Eknath Shinde esakal
नगरविकासमंत्री एकनाथ शिंदे (Eknath Shinde) यांना शेतीची आवड आहे. राजकारणातून वेळ काढत ते आपली शेती करण्याची आवड जपताना दिसतात.
भिलार : नगरविकासमंत्री एकनाथ शिंदे (Eknath Shinde) यांना शेतीची आवड आहे. राजकारणातून वेळ काढत ते आपली शेती करण्याची आवड जपताना दिसतात. सध्या ते जन्मगावी दरे तर्फ तांब (ता. महाबळेश्वर) या ठिकाणी भात लावणीच्या कामात व्यस्त असल्याचे दिसते.सर्वत्र पावसामुळे भात लागणीची धांदल उडाली आहे. त्यातच श्री. शिंदे हे स्वतः गुडघाभर चिखलात भात लावणी करताना दिसत आहेत. नुकतेच त्यांचे शेतात राबतानाचे फोटो व्हायरल झाल्याने त्यांच्यावर कौतुकाचा वर्षाव होत आहे. शिंदे हे तरवा काढणे, बांधलेल्या पेंद्या बांधावर ठेवणे आणि ते लावण्यातही दंग झालेले पाहायला मिळतात. वेळ मिळेल तसे वारंवार ते आपल्या गावी येतात. गावी आल्यानंतर ते आपल्या शेतीकडे विशेष लक्ष देतात. शिंदे हे पूर्वीपासून कायम गावी आल्यावर शेतीची कामेही आवर्जून करतात.यापूर्वीही एकनाथ शिंदे त्यांच्या दरे या गावात गेले होते. एक-दोन दिवस गावात घालवल्यानंतर त्यांनी आपल्या कुटुंबातील काही सदस्यांसोबत थेट शेत गाठत भात लावणी केली होती.त्यावेळी त्यांच्यासोबत मुलगा खासदार श्रीकांत शिंदे आणि चुलत भाऊ महेश शिंदेही होते. शिंदे कुटुंबाने स्ट्रॉबेरीच्या शेतात जाऊन लागवड केली. महाबळेश्वर तालुक्यातील दरे गावचे सुपुत्र आज राज्याचे मंत्री आहेत.एकनाथ शिंदेंनी पुन्हा एकदा आपल्या मुळ गावी दरे (ता. महाबळेश्वर) येथे येऊन आपल्या भात शेतात भात लावणी केली. तसेच बैलांचे औत हाकण्याचा आनंद घेतला. दरे हे बामणोली येथून समोरच शिवसागर जलाशयाच्या पलीकडील काठावर वसलेले एक दुर्गम खेडेगाव आहे. मात्र, आपल्या गावावर प्रत्येकाचं प्रेम असतं, ते प्रेम मंत्री शिंदे यांनीही व्यक्त केलं. त्यामुळे त्यांचं गावप्रति असलेलं निस्सीम प्रेम पुन्हा एकदा दिसून आलं.सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.