Mithilesh Chaturvedi passed away : बॉलीवूडमध्ये आपल्या आगळ्या वेगळ्या शैलीतील अभिनयानं प्रेक्षकांचे मन जिंकून घेणाऱ्या अभिनेते मिथिलेश चतुर्वेदी यांनी अखेरचा श्वास घेतला आहे. वयाच्या 68 व्या वर्षी त्यांचे निधन झाले आहे. गेल्या काही महिन्यांपासून ते हदयविकाच्या आजारानं त्रस्त होते. त्यांच्यावर उपचार देखील सुरु होते. मात्र त्या दरम्यान त्यांचा मृत्यु झाला. त्यांच्या जाण्यानं बॉलीवूडवर मोठी शोककळा पसरल्याचे दिसून आले आहे. मोठा संघर्ष करुन मिथिलेश यांनी आपली वेगळी ओळख बॉलीवूडमध्ये निर्माण केली होती.