Nashik Bus Accident News esakal
नाशिकमध्ये खासगी बसचा भीषण अपघात झाला आहे.
Nashik Bus Accident : नाशिकमध्ये खासगी बसचा भीषण अपघात झालाय. चिंतामणी ट्रॅव्हल्स (Chintamani Travels) कंपनीच्या बसमध्ये अपघातानंतर आग लागली. या आगीत काही प्रवासी होरपळ्याची भीती व्यक्त केली जात आहे.तब्बल 12 प्रवासी या भीषण दुर्घटनेत जिवंत होरपळले आणि त्यांचा मृत्यू झाला आहे.अपघात झालेल्या ठिकाणी बचावकार्य करण्यासाठी पोलीस, अग्निशमन यंत्रणा दाखल झाल्या आहेत. शनिवारी पहाटे 4 वाजून 25 मिनिटांनी हा अपघात घडला. चिंतामणी ट्रॅव्हल्सची ही बस असून यवतमाळच्या पुसदकडून मुंबईकडं निघाली होती. आयशर ट्रक आणि बसमध्ये जोरात धडक बसल्यामुळं हा अपघात घडला. अपघातानंतर बसला भीषण आग लागली. अपघातावेळी बसमध्ये एकूण 36 प्रवासी होते, त्यातील 12 प्रवाशांचा होरपळून दुर्दैवी मृत्यू झाला, तर एक प्रवासी गंभीर जखमी आहे. जखमी प्रवाशांना जिल्हा रुग्णालयातून दुसरीकडं उपचारांसाठी हलवण्यात येणार आहे, अशी माहिती जिल्हाधिकारी गंगाधरन डी यांनी दिली. अपघातानंतर जखमी प्रवाशांना रुग्णालयात नेण्यात येत होतं.पंचनामा आणि पुढील कार्यवाही सुरू करण्यात आली असल्याची माहिती पोलिस आयुक्त जयंत नाईकनवरे यांनी दिली. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
