नीना गुप्ता या आपल्या बाॅलीवूडमधील सर्वोत्तम चित्रपटांसाठी ओळखल्या जातात. त्यांनी आपल्या करिअरमध्ये एकापेक्षा एक चित्रपट दिले आहेत. कदाचित काहीच लोकांना माहीत असेल की नीना गुप्ता व्यावसायिक चित्रपटांव्यतिरिक्त आर्ट चित्रपटांमध्येही काम केले आहे. त्यांनी टीव्ही कार्यक्रम 'खानदान'पासून मनोरंजनाच्या विश्वात आपली ओळख बनवली. चला जाणून घेऊ त्यांच्याशी विषयी खास गोष्टी... (neeta gupta birthday special story, she falled love with cricketer)
खासगी आयुष्य आणि चित्रपटातील करिअर |
नीना गुप्ता यांचा जन्म ४ जून १९५९ दिल्लीत झाला होता. त्यांच्या वडिलांचे नाव आर.एन.गुप्ता होते. त्यांचे शालेय शिक्षण सनावर लाॅरेन्स स्कूल, हिमाचल प्रदेशात झाले आहे. त्यांच्या आईची इच्छा होती, की पुढे जाऊन नीनाने आयएएस अधिकारी व्हावे. मात्र त्या एक अभिनेत्री बनल्या. खूपच लोकांना माहित आहे, की नीना यांच्या करिअरमध्ये यश 'चोली के पीछे क्या है' या गाण्याने मिळाले. या गाण्यानंतर त्या अनेक सर्वोत्तम चित्रपटांमध्ये दिसल्या. जसे की दो यारो, मंडी, त्रिकाल, गांधी आदी. या अभिनेत्रीने वेब सीरिज पंचायत २ मध्ये भूमिका केली आहे. यातील त्यांच्या भूमिकेची खूपच कौतुक झाले आहे. व्हिव्हियन रिचर्ड्सवर होते प्रेम | नीना यांच्या चित्रपटांच्या करिअरमध्ये जेवढे यश मिळाले, त्या तुलनेत त्यांना खासगी आयुष्यात खूपच दुःख सहन करावे लागले. अभिनेत्रीचे आयुष्य इतके सोपे नव्हते. नीना गुप्ताचे वेस्ट इंडिजचा खेळाडू व्हिव्हियन रिचर्ड्सशी प्रेम जुळले होते. ही गोष्ट आहे जेव्हा वेस्ट इंडीजची टीम भारतात क्रिकेट खेळण्यासाठी आली होती. त्यावेळी मुंबईत एका पार्टीत नीना गुप्ता आणि व्हिव्हियन रिचर्ड्स यांची भेट झाली. त्यानंतर दोघे एकमेकांच्या जवळ आले. काही वर्षानंतर नीना गुप्ता गरोदर राहिल्या होत्या. चार्टर्ड अकाऊंटंट्शी केला विवाह | मुलीच्या जन्मानंतर व्हिव्हियन रिचर्ड्स आणि नीना गुप्ता वेगळे झाले. मग वर्ष २००८ मध्ये त्यांनी विवेक मेहराशी विवाह केला. मेहरा हे पेशाने चार्टर्ड अकाऊंटंट आहेत. त्यांच्या विवाहाला आता जवळपास १३ वर्षे झाली असून दोघेही आपल्या आयुष्यात आनंदी आहेत. अविवाहित आई | जेव्हा हे सर्व घडत होते, तेव्हा व्हिव्हियन हे विवाहित होते. त्यांना दोन मुले होते. नीना यांना माहीत होते की रिचर्ड्सबरोबर त्यांचा विवाह होऊ शकणार नाही. असे असूनही नीना गुप्ताने आपले मित्र आणि कुटुंबीयांविरोधात जाऊन व्हिव्हियनच्या मुलीला जन्म दिला. १९८९ मध्ये त्यांनी रिचर्डसची मुलगी मसाबाला जन्म दिला. मात्र यासाठी त्यांना मोठ्या प्रमाणावर टीकेला सामोरे जावे लागले. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.