Bhakra Train, Free travelling Sakal
जर तुम्ही भारतात विना तिकीट ट्रेनमधून प्रवास करताना पकडला गेलात तर तुम्हाला दंड होऊ शकतो. काही प्रकरणांमध्ये तुम्हाला तुरुंगवासही भोगावा लागू शकतो, पण देशात अशी ट्रेन आहे, ज्यामध्ये तुम्ही कोणताही खर्च न करता मोफत प्रवास करू शकता. विश्वास बसत नाहीये ना? पण भाक्रा रेल्वे ट्रेनचे प्रवासी 73 वर्षांपासून मोफत ट्रेन प्रवासाचा आनंद घेत आहेत. जाणून घेऊया या खास ट्रेनबद्दलची विशेष माहिती..(Passengers of Bhakra Railway have been enjoying free train travel for over 73 years.)
ही विशेष ट्रेन पंजाब आणि हिमाचल प्रदेशच्या सीमेवर धावते, जिथे लोक नांगल आणि भाखर दरम्यान प्रवास करतात. या ट्रेनमध्ये प्रवास करण्यासाठी लोकांना तिकीट काढण्याची चिंता करण्याची गरज नाही.
अहवालानुसार भाक्रा-नांगल रेल्वे सेवा 1948 मध्ये सुरू झाली होती. भाक्रा नांगल धरणाच्या बांधकामादरम्यान विशेष रेल्वे मार्गाची गरज भासू लागली कारण त्यावेळी नांगल ते भाखर दरम्यान जाण्यासाठी कोणताही मार्ग नव्हता.
अवजड यंत्रसामग्रीसह लोकांची ये-जा सुरळीत व्हावी, यासाठी या मार्गावर रेल्वे मार्ग बांधण्याचा निर्णय घेण्यात आला. सुरुवातीला ही ट्रेन वाफेवर चालणाऱ्या इंजिनवर चालत असे 1953 मध्ये हे इंजिन अमेरिकेतून आयात केलेल्या लोकोमोटिव्हने बदलले. आजही ही आगळीवेगळी ट्रेन आपल्या 60 वर्ष जुन्या इंजिनसह धावत आहे. ट्रेनचा प्रत्येक डबा त्याच्या प्रकारात अनोखा आहे आणि तो कराचीमध्ये बनवला गेला आहे.
ट्रेन शिवालिक टेकड्या ओलांडते आणि पंजाबमधील नांगल धरणाकडे जाण्यापूर्वी नेहला स्टेशनवर पोहोचते. या ट्रेनमध्ये दररोज सुमारे 18 ते 20 लिटर इंधन खर्च केले जाते, परंतु तरीही भाक्रा बियास व्यवस्थापन मंडळाने या ट्रेनचा प्रवास मोफत केला आहे. या स्पेशल ट्रेनमध्ये पूर्वी दहा डबे होते, मात्र आता त्यात फक्त तीन डबे उरले आहेत.
भाक्रा बियास व्यवस्थापन मंडळाने आर्थिक अडचणींमुळे मोफत प्रवास रद्द करण्याचा विचार केला होता, मात्र कमाईपेक्षा या रेल्वेचा ऐतिहासिक वारसा जपण्याला अधिक महत्त्व देण्यात आले. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.