1840 च्या दशकात फोटोग्राफीचा शोध लागल्यापासून, भारतीय कला इतिहासात फोटोग्राफीने एक अविभाज्य भाग बजावला आहे. भारत हा जगातील सर्वाधिक छायाचित्रांचा देश आहे असे अनेकदा म्हटले जाते. मात्र असे असले तरी, त्याच्या प्रतिनिधित्वाचा इतिहास सुरुवातीला डोळ्यासमोर येण्यापेक्षा अधिक गुंतागुंतीचा आणि राजकीय आहे. दरम्यान, ऑस्ट्रेलियातील मेलबर्नमध्ये 'व्हिजन्स ऑफ इंडिया : कॉलोनियल ते कंटेम्पररी' हे भारतीय फोटोग्राफीचं प्रदर्शन सुरू आहे. हे प्रदर्शन 20 मार्च 2022 पर्यंत मोनाश गॅलरी ऑफ आर्टमध्ये (MAG) दाखवले जाणार आहे. या प्रदर्शनात भारताचा वारसा सांगणारे ब्रिटिश राजवटीच्या काळातील दर्जेदार फोटोग्राफ्स प्रदर्शित करण्यात आले आहेत.