PM Narendra Modi Team eSakal
पंतप्रधान नरेंद्र मोदी गुरुवारी तीन दिवसीय अमेरिकेच्या दौऱ्यावर गेले आहेत. गुरुवारी ते वॉशिंग्टनला पोहोचले आहेत. यावेळी मोदींचे जंगी स्वागत करण्यात आले. विमानतळावर पंतप्रधान मोदींच्या स्वागतासाठी अमेरिकेच्या परराष्ट्र मंत्रालयातील अनेक अधिकारी पोहोचले होते.वॉशिंग्टनकडे जाताना नरेंद्र मोदी यांनी एक फोटो शेअर केला आहे. ज्यामध्ये त्यांनी मोठ्या प्रवासाताील वेळ कामासाठी वापरता येतो असे म्हणत हातातील काही फाईल आणि कागद पत्रांचा फोटो शेअर केला आहे. नरेंद्र मोदी यांचा हा फोटो सध्या सोशल मीडियावर व्हायरल होतो आहे. मोदी वॉशिंग्टनमध्ये पोहचताच विमानतळावर उपस्थित भारतीयांनी घोषणा देण्यास सुरु केली. भर पावसात भारतीय अमेरिकन पंतप्रधान मोदींची वाट पाहत होते. पंतप्रधान मोदींनीही या सर्वांची गाडीतून खाली उतरून भेट घेतली. मोदी वॉशिंग्टनमध्ये पोहचताच विमानतळावर उपस्थित भारतीयांनी घोषणा देण्यास सुरु केली.भारताचे अमेरिकेतील राजदूत तरणजित सिंह संधु विमानतळावर स्वागतासाठी पोहोचले होते. पंतप्रधान मोदींच्या स्वागतासाठी विमानतळावर १०० पेक्षा जास्त भारतीय लोक पोहोचले होते.वॉशिंग्टनलला पोहोचल्यानंतर तिथले फोटोही पंतप्रधान मोदींनी शेअर केले आहेत. त्यांनी म्हटलं की, वॉशिंग्टन डीसीमध्ये पोहोचलो. पुढचे दोन दिवस मी अमेरिकेचे राष्ट्राध्यक्ष ज्यो बायडेन आणि उपराष्ट्राध्यक्ष कमला हॅरिस, स्कॉट मॉरिसन, सुगा योशिहिदे यांची भेट घेणार आहे. संयुक्त राष्ट्राच्या आमसभेत ते संबोधन करणार असून क्वाड देशांच्या नेत्यांसोबत चर्चाही करणार आहेत. याशिवाय मोदी व्हाइट हाउसमध्ये राष्ट्राध्यक्ष ज्यो बायडेन यांच्याशी द्विपक्षीय चर्चा करणार आहेत. पंतप्रधान नरेंद्र मोदी आणि ज्यो बायडेन यांची भेट शुक्रवारी २४ सप्टेंबरला होणार आहे. बायडेन राष्ट्राध्यक्ष झाल्यानंतर मोदी पहिल्यांदाच त्यांना भेटणार आहेत.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.