नागपूर :  बैलांप्रती कृतज्ञता व्यक्त करण्यासाठी दरवर्षी शेतकऱ्यांकडून बैलपोळा हा सण साजरा केला जातो. पिठोरी अमावास्येच्या दिवशी हा सण येतो. वर्षभर शेतात राबणाऱ्या बैलांना पोळ्याच्या दिवशी नांगरापासून आणि शेतीपासून दूर ठेवले जाते. या दिवशी बैलांना नदीवर नेऊन उटणे लावून आंघोळ घातली जाते आणि त्यांना विविध रंगांच्या वस्त्रांनी आणि दागदागिन्यांनी सजवले जाते. वर्षभर शेतीची धुरा खांद्यावर वाहणाऱ्या बैलांना पोळ्याच्या दिवशी तुपाने किंवा हळदीने शेकतात आणि गोड पुरणपोळीचा नैवेद्य दिला जातो. बैलपोळा सण प्रामुख्याने मध्यप्रदेश, छत्तीसगड आणि महाराष्ट्रात साजरा करतात. महाराष्ट्रात मोठ्या प्रमाणावर हा सण साजरा केला जातो. मात्र, कोरोनामुळे यंदाही नागपूर जिल्ह्यात पोळा भरणार नाही. तेव्हा जुन्या फोटोंच्या माध्यमातून पोळा कसा भरतो हे जाणून घेऊ या... (फोटो - प्रतीक बारसागडे)