कोल्हापूर : जून उजाडला की शेतकऱ्याच्या कामाच्या गडबडीस सुरवात होते. उन्हाच्या तडाख्यात धगधगनाऱ्या धरती आईला मशागत करून गारवा देण्यासाठी शेतकरी राजाची एकच धांदल उडते. कुठे वळवाच्या सरींनी, तर कुठे मान्सूनच्या गार वातावरणामुळे शिवाराला हिरवाई देण्यासाठी शेतकरी राजा गडबड करतो. यंदा मान्सून ने वेळेत सुरुवात केली आहे. वळीवाच्या धुवाधार सरींनी धरणीमाता पेरणीसाठी आमंत्रण देत आहे. आणि हेच आमंत्रण स्वीकारून बळीराजा मशागतीच्या स्वरूपाने पेरणीच्या तयारीत दंग झाला आहे.

याच पार्श्वभूमीवर कोल्हापुरातील ग्रामीण आणि शहरी भागातही शेतीच्या कामांनी जोर धरलाय. कुठे मशागत चालू आहे, तर कुठं बांधबंदिस्ती. तर कुठे प्रत्यक्षात पेरणीसही आरंभ झाला आहे. कोविडच्या नकारात्मक वातावरणातही पेरणीची लगबग शेतकऱ्यांच्या चेहऱ्यावर आनंद आणत आहे. बळीराजाची ही धडपड टिपली आहे सकाळचे छायाचित्रकार मोहन मिस्त्री यांनी..