Vasant More Marathi News esakal
मनसेचे डॅशिंग नेते वसंत मोरे (Vasant More) यांनी एक फेसबुक पोस्ट (Facebook Post) शेअर केलीय. या पोस्टमध्ये त्यांनी हात जोडून लोकांना आर्थिक मदतीची विनंतीही केलीय.
पुणे : मनसेचे डॅशिंग नेते वसंत मोरे (Vasant More) यांनी एक फेसबुक पोस्ट (Facebook Post) शेअर केलीय. या पोस्टमध्ये त्यांनी हात जोडून लोकांना आर्थिक मदतीची विनंतीही केलीय. तसेच ही मदत त्यांनी स्वत:साठी नाही, तर एका 40 वर्षांच्या व्यक्तीसाठी केलीय.पुण्याचे मनसे (MNS) नगरसेवक वसंत मोरे जेवढे डॅशिंग आणि आक्रमक आहेत, तेवढेच ते हळव्या मनाचे आणि संवेदनशील देखील आहेत, याचा प्रत्यय अनेक वेळेला आला आहे.मंगळवारी रात्री उशिरा त्यांनी एका फेसबुक पोस्टच्या माध्यमातून दिवंगत सोनेरी आमदार रमेश वांजळे यांच्या अंगरक्षकाच्या मदतीसाठी भावनिक आवाहन केलंय. महाराष्ट्राचा 'खली' म्हणजेच उमेश वसवे (Umesh Vasave) यांची प्रकृती ठीक नसल्याने त्यांच्यावर नाशिकमध्ये (Nashik) ऑपरेशन होणार आहे. तेव्हा याकामी त्यांना तुमच्या मदतीची गरज आहे, असं म्हणत वसंत मोरे यांनी जनतेला हात जोडून आर्थिक सहाय्य करण्याचं आवाहन केलंय.वसंत मोरे काय म्हणाले, महाराष्ट्राच्या खलीला तुमच्या मदतीची गरज आहे. सोनेरी आमदार रमेशभाऊंचा (Ramesh Wanjale) अंगरक्षक उमेश रमेश वसवे, रा. सिंहगड वसवेवाडी, वय अवघे ४० वर्षे, उंची तब्बल ७ फूट, वजन १६५ किलो.... अशी प्रचंड शरीर संपत्ती लाभलेला उमेश गेल्या २ वर्षांपासून आजाराशी झगडत आहे. होतं नव्हतं ते सगळे जगण्याच्या धडपडीत गमावून बसलाय. लोकांना सुरक्षा देणारा खली आज जगण्यासाठी ढसाढसा रडताना मी पाहिलाय.पुण्यातील एका नामांकित बिल्डरनं त्याचे कष्टाचे पैसे बुडवलेत. मी त्या बिल्डरला फोन केला तर पैसे नाहीत बोलला. ठीक आहे, त्याला मी थोडा सवडीनं बघतो. पण मित्रांनो, हा उमेश म्हणजे आपल्या महाराष्ट्राची संपत्ती आहे. जर त्यानं या महिन्यात त्याच्या गळ्यावर आणि पाठीवर शस्त्रक्रिया केली नाही तर कदाचित ही आपली मराठी माणसाची संपत्ती मातीत ही मिळेल""उमेश वसवे यांचं नाशिकला ऑपरेशन करायचं आहे. तेव्हा माझी तुम्हाला हात जोडून विनंती आहे, उमेशला जमेल तशी यथाशक्ती मदत करा. तुमचे १०० ते ५०० रु. सुद्धा हा धिप्पाड मराठी देह वाचवू शकतात. कारण, ही असली माणसं परत परत जन्म घेत नाही. तेव्हा प्लीज मदत करा... (त्याचा गुगल पे नंबर : 8484844343)", असं कळकळीचं आवाहन वसंत मोरे यांनी केलंय.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.