जावली तालुक्यातील उंबरी गावच्या शहीद अशोक धनाजी जाधव यांच्या पत्नी सुवर्णा अशोक जाधव या दरवर्षी जवानांना राख्या पाठवत असतात.
कास (सातारा) : रविवारी रक्षाबंधनाचा सण उत्साहात साजरा होईल, पण आपल्या घरापासून हजारो किलोमीटर दूर असलेल्या फौजी बांधवांच्या 'नशिबी' हा योग प्रत्यक्षात कुटुंबात साजरा करण्याचा 'योग' कधीतरी येतो. देशभरातून जवानांना राख्या पाठवल्या जातात. याचप्रमाणे जावली तालुक्यातील उंबरी गावच्या शहीद अशोक धनाजी जाधव यांच्या पत्नी सुवर्णा अशोक जाधव या दरवर्षी जवानांना राख्या पाठवत असतात. यावर्षी मराठा बटालियनला पाठवलेल्या राख्या तेथील जवानांनी एकामेकांना बांधून आजच रक्षाबंधन साजरी केली आणि याचे फोटो सुवर्णा यांना पाठवून कृतज्ञताही व्यक्त केली.सुवर्णा यांचे पती अशोक जाधव हे मिल्ट्री इंजिनिअर सर्व्हिसमध्ये होते. तीन वर्षांपूर्वी ड्युटीवर असतानाच ते शहीद झाले. जवानांच्या प्रती असलेल्या निष्ठेखातर सुवर्णा दरवर्षी न चुकता राख्या पाठवत असतात. या वर्षी मराठा बटालियनमध्ये असलेले गांजे (ता. जावली) येथील जवान महेश चिकणे नुकतेच आपली सुट्टी संपवून जाणार होते. महेश चिकणे यांच्या मार्फत सुवर्णा यांनी राख्या पाठवत ही परंपरा कायम ठेवली.या जवानांनी जम्मूमध्ये आपल्या कर्तव्याच्या ठिकाणी राख्या बांधून ही अनोखी रक्षाबंधन साजरी केली. त्याचे फोटो सुवर्णा यांना पाठवून ह्या बहीण-भावाच्या नात्याच्या अतुट बंधनांची वीण घट्ट केलीय.फिल्ड एरियाच्या सैनिकांपर्यंत राखी बांधायला कोणीच जात नाही आणि पोस्टानेही पोहोचत नाही. म्हणून, जसं जमेल तसं त्यांच्यापर्यंत कशा राख्या पोहोचतील याचाच प्रयत्न असतो, असं वीरपत्नी सुवर्णा अशोक जाधव यांनी सांगितलं.सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.