Randeep Hooda Birthday : हरियानाचे अनेक जण बाॅलीवूडमध्ये अभिनेता आहेत. यात जयदीप अहलावत, सतीश कौशिक, राजकुमार राव, यशपाल शर्मा आदींचा समावेश होतो. मात्र या सर्वांमध्ये एक नाव अस आहे ज्याची स्वतःची मोठी फॅन फाॅलोइंग आहे. चित्रपटांमध्ये त्याने अनेकदा हरियाणवीची भूमिका केली आहे. ते नाव आहे रणदीप हुड्डा (Randeep Hooda). ३२ चित्रपटांमध्ये अभिनय करणाऱ्या रणदीप बाॅलीवूडमध्ये दोन दशके काम करित आहे. त्याने चित्रपट विश्वात २० वर्षांपेक्षा जास्त वेळ व्यतीत केला आहे. त्याचा पहिला चित्रपट मान्सून वेडिंग २००१ मध्ये आला होता. या चित्रपटात त्याने एनआरआयची भूमिका केली होती. बाॅलीवूडमध्ये आपले स्थान बनवलेल्या रणदीपचा प्रवास खूपच रोचक आहे. आज २० ऑगस्ट रोजी रणदीप आपला ४५ वा वाढदिवस साजरा करित आहे. त्याच्या वाढदिवसाच्या निमित्त जाणून घ्या त्याच्याशी संबंधित काही किस्से जे तुम्हाला माहीत नसतील...चित्रपटाने बदलले नशीब : वर्ष २००५ मध्ये अंडरवर्ल्डवरील डी चित्रपटावर चर्चेला उधाण आले. तेथून रणदीपला ओळख मिळाली. हा चित्रपट रणदीपच्या करिअरसाठी टर्निंग पाॅईंट ठरला होता. दाऊदवर आधारित या चित्रपटाने रणदीपला स्टार बनवले. त्यानंतर रणदीपने कधी मागे वळून पाहिलेच नाही. त्याने ३२ पेक्षा जास्त चित्रपटांमध्ये काम केले आहे. आता तो सलमान खान सारख्या सुपरस्टार्सबरोबर स्क्रीन शेअर करतो.
वडील सर्जन तर आई सामाजिक कार्यकर्ती : हरियानाच्या रोहतक जिल्ह्यात रणदीपचा १९७६ मध्ये जन्म झाला होता. त्याचे वडील व्यवसायाने सर्जन असून आई सामाजिक कार्यकर्ती आहेत. जेव्हा रणदीप ८ वर्षाचा होता तेव्हा त्याला कुटुंबीयांनी एमएनएसएस बोर्डिंग स्कूल सोनीपतला पाठवले होते. त्याने सुरुवातीचे शिक्षण येथेच पूर्ण केले. त्यानंतर तो दिल्लीतील आरके पुरममध्ये दाखल झाला. तो उच्च शिक्षणासाठी ऑस्ट्रेलियातील मेलबर्नमध्ये गेला. येथे त्याने विपणन आणि मास्टर्स इन बिझनेस मॅनेजमेंटचे शिक्षण घेतले. येथील शिक्षणादरम्यान त्याने चिनी रेस्टारंटमध्ये काम केले. गाड्या पुसल्या आणि तसेच टॅक्सीही चालवली. दोन वर्षानंतर रणदीप भारतात परतला आणि त्याला विमान कंपनीत विपणन विभागात नोकरी मिळाली.
चित्रपटात करिअरला सुरुवात : रणदीप हुड्डाच्या चित्रपटीय करिअरची सुरुवात २००१ मधील मीरा नायर यांच्या मान्सून वेडिंग या चित्रपटामधून झाली. या चित्रपटात त्याने एनआरआयची भूमिका निभावली होती. त्याच्या ऑस्ट्रेलियन उच्चारामुळे त्याला चित्रपटात कामाची संधी मिळाल्याचे सांगितले जाते. मान्सून वेडिंगमधील दमदार भूमिका केल्याने ४ वर्षानंतर त्याला दुसरा प्रोजेक्ट मिळाला. तो रामगोपाल वर्मा यांच्याबरोबर. जाणून घेऊया की रणदीपचे नशीब अखेर कसे उजळले? चित्रपटाने बदलले नशीब : वर्ष २००५ मध्ये अंडरवर्ल्डवरील डी चित्रपटावर चर्चेला उधाण आले. तेथून रणदीपला ओळख मिळाली. हा चित्रपट रणदीपच्या करिअरसाठी टर्निंग पाॅईंट ठरला होता. दाऊदवर आधारित या चित्रपटाने रणदीपला स्टार बनवले. त्यानंतर रणदीपने कधी मागे वळून पाहिलेच नाही. त्याने ३२ पेक्षा जास्त चित्रपटांमध्ये काम केले आहे. आता तो सलमान खान सारख्या सुपरस्टार्सबरोबर स्क्रीन शेअर करतो. कामावर प्रेम : रणदीपला कामाच्या प्रति प्रचंड प्रेम आहे. सरबजीत या चित्रपटासाठी त्याने मोठ्या प्रमाणावर वजन कमी केले होते. यावरुन त्याच्या कामावरील निष्ठा दिसते. चित्रपटाचे पोस्टर पाहिल्यावर कोणालाच विश्वास बसला नाही की त्यात रणदीप आहे. सरबजीत या चित्रपटासाठी त्याला उत्कृष्ट अभिनेता या पुरस्काराने सन्मानीत करण्यात आले. अनेक अभिनेत्रींशी नाव जोडले गेले : स्मार्ट आणि हँडसम रणदीप हुड्डा याचे नाव बाॅलीवूडमधील अनेक मोठ्या अभिनेत्रींशी जोडले गेले आहे. यात सर्वाधिक चर्चेत राहिला सुश्मिता सेन हिच्याशी. बरेच दिवस दोघांनी एकमेकांना डेट केले. त्यानंतर दोन-तीन वर्ष तो नीतू चंद्राबरोबर डेटवर होता. या व्यतिरिक्त त्याचे नाव आदिती राव हैदरी, लीझा हेडन यांच्याबरोबर जोडले गेले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.