रत्नागिरी : जिल्ह्यात पावसाने सकाळपासून उसंत घेतली आहे. काल रात्री पावसाची रिपरिप सुरू असल्याने राजापूरात अर्जुना नदी दुथडी वाहत आहे. संगमेश्वरमध्ये भरलेले पाणी ओसरले आहे. चिपळूण, खेडमध्येही पाऊस कमी असल्याने जनजीवन आता पुर्ववत आहे. नागरिकांनी गणेशोत्सवाच्या खरेदीवर भर दिल्याचा दिसत आहे. जिल्ह्यात गेली तीन दिवस पावसाची संततधार सुरू होती. त्यामुळे सप्टेंबर महिन्यात जुलैच्या पुराच्या पुराच्या आठवणी ताज्या झाल्या. काल रात्री चिपळुणच्या वाशिष्ठी नदीची पाणी पातळी झपाट्याने वाढत होती. रात्री पाऊस असल्याने पुन्हा पुर येणार की काय अशी परिस्थिती निर्माण झाली होती. मात्र पाऊस कमी झाल्याने हे संकट टळले.