Bollywood news: बॉलीवूडमधील सर्वोत्तम अभिनेत्यांपैकी एक अशा इरफान खानची एक्झिट ही त्याच्या चाहत्यांच्या मनाला चटका लावणारी होती. इरफानचा चाहतावर्ग मोठा होता. (Irrfan Khan) त्याला सोशल मीडियावर फॉलो करणाऱ्यांची संख्याही लक्षणीय होती. त्याचं अकाली जाणं हे सर्वांना चटका लावणारं होतं. आजही त्याच्या आठवणीनं चाहत्यांच्या डोळ्यात (Bollywood Actor) पाणी आल्याशिवाय राहत नाही, मोठ्या संघर्षाला सामोरं जात इरफाननं (Entertainment news) स्वताची वेगळी ओळख तयार केली होती. तो एक अभिजात कलावंत होता. त्यामुळे केवळ भारतातच नाही तर जगाच्या पाठीवर इरफानच्या अभिनयाचे चाहते होते. आज त्याची पुण्यतिथी आहे. त्यानिमित्तानं त्याच्या काही चित्रपटांतील गाजलेले संवाद आपण माहिती करुन घेणार आहोत. जे आजही लोकप्रिय आहेत.पिस्टल की ठंडी नली जब कनपटी पर लगती है न तब जिंदगी और मौत का फर्क समझ आता है

इरफानचा हा संवाद त्याच्या द किलर या चित्रपटातील आहे. 2006 मध्ये तो प्रदर्शित झाला होता. त्यामध्ये त्याच्यासोबत इम्रान हाश्मी, निशा कोठारी यांनी महत्वाची भूमिका साकारली होती.

डेथ और शिट, ये दो चीजें किसी को कहीं भी, कभी भी आ सकती हैं

पीकुमध्ये इरफानला पहिल्यांदाच महानायक अमिताभ यांच्यासमवेत काम करण्याची संधी मिळाली होती. त्यात त्यानं दीपिकासोबत पहिल्यांदा स्क्रिन शेयर केली होती. वेगळ्या विषयावर आधारित पीकुला प्रेक्षकांचा मोठा प्रतिसाद मिळाला होता.