पुणे : गेल्या दोन दिवसांपासून सुरू असलेल्या पावसामुळे शहरातील... विशेषतः उपनगरातील रस्ते अक्षरशः खड्ड्यात गेले आहेत. नुकतेच डांबरीकरण केलेले रस्तेही उखडले असून उपनगरांमध्ये चिखल, पाणी आणि खड्ड्यांमधून वाहनचालकांना वाट शोधवी लागत आहे. येरवडा, नगर रस्ता, उंड्री, पिसोळी, येवलेवाडी, आंबेगाव, सिंहगड रस्ता, सहकारनगर, स्वारगेट, बाजीराव रस्ता, चांदणी चौक आदी परिसरात खड्डे पडले असून, पावसाळा सुरू असतानाही खोदाईची कामे सुरु असल्याने खड्ड्यांमध्ये भर पडली आहे.