Rose Day: गुलाब फक्त प्रेमाचं प्रतीक नाही, आरोग्याचा खजिना आहे

Rose tea health benefits: गुलाबाला प्रेमाचं प्रतीक मानले जातं, परंतु गुलाबाचे अगणित आरोग्यदायी फायदे आहेत.

सकाळ डिजिटल टीम

Updated:7th Feb, 2022 at 2:05 PM

Rose tea health benefits : आज 'रोज डे' (Rose Day) सोबतच व्हॅलेंटाईन वीक (Valentine Week) सुरू झाला आहे. प्रेमाचा (Love) हा सण आठवडाभर चालतो, ज्यामध्ये पहिल्या दिवशी म्हणजेच ७ फेब्रुवारीला रोज डे साजरा केला जातो. या दिवशी एकमेकांवर प्रेम करणारे लोक गुलाब देऊन आपले प्रेम व्यक्त करतात. तसं पाहिले तर प्रेमात पडल्यावर तुम्ही तुमच्या प्रिय व्यक्तीला गुलाबाचं फूल द्यावं, हे सक्तीचे नाही. परंतु गुलाबाला प्रेमाचं प्रतीक मानलं जातं आणि म्हणूनच या प्रेमळ आठवड्याचा पहिला दिवस रोज डे म्हणून ठेवला जातो. जेव्हा एखाद्याला आपले प्रेम व्यक्त करायचं असतं, परंतु त्याला नेमकं काय बोलावं हे समजत नाही, अशावेळी गुलाबाचं फूल तुमच्या सर्व भावना सांगून जाते. म्हणूनच गुलाबाला प्रेमाचं प्रतीक मानले जातं, परंतु गुलाबाचे अगणित आरोग्यदायी फायदे आहेत.

हजारो वर्षांपासून गुलाबाचा वापर औषध म्हणूनही केला जातो.जगभरात गुलाबाच्या 130 पेक्षा जास्त प्रजाती आहेत. विशेष म्हणजे सर्व गुलाब खाण्यायोग्य असतात. काही जाती गोड असतात तर काही अधिक कडू असतात. गुलाब चहा हे सुगंधित हर्बल पेय आहे जे गुलाबाच्या फुलांच्या सुवासिक पाकळ्या आणि कळ्यांपासून बनवले जाते. याचे आरोग्यासाठी अनेक फायदे आहेत.

नैसर्गिकरित्या कॅफीन मुक्त- कॉफी, चहा आणि अगदी हॉट चॉकलेटसह अनेक लोकप्रिय गरम पेयांमध्ये कॅफीन असते. थकवा दूर करण्यासाठी आणि ऊर्जा वाढवण्यासाठी कॅफीन आवश्यक असले तरी त्याचे काही दुष्परिणामही आहेत. कॅफीनमुळे रक्तदाब वाढू शकतो आणि काही लोकांमध्ये चिंतेची भावना निर्माण होऊ शकते. गुलाब चहा नैसर्गिकरित्या कॅफीन मुक्त आहे आणि अशा प्रकारे हा चहा सर्व लोकांसाठी चांगला सिद्ध होऊ शकतो.

वजन कमी करण्यासाठी लाभदायक- गुलाब चहा शरीरातील पाण्याची कमतरता भरून काढतो त्यामुळे तुमचे चयापचय वाढून वजन कमी (Weight Loss) करण्यास मदत करू शकते. संशोधनात असे दिसून आले आहे की 500 मिली पाणी पिल्याने तुमची चयापचय 30% पर्यंत वाढू शकते. तुम्ही वजन कमी करत असाल तर रोज सकाळी गुलाब चहा प्या.

कर्करोग आणि मधुमेहापासून संरक्षण करण्यास मदत- अँटिऑक्सिडंट्स ही अशी संयुगे असतात जी जे मुक्त रॅडिकल्सच्या प्रभावाचा सामना करण्यास मदत करतात. गुलाब चहामध्ये पॉलीफेनॉल हे अँटीऑक्सिडंट असतात. विशिष्ट प्रकारचे कर्करोग, हृदयरोग आणि टाइप 2 मधुमेहाचा धोका कमी करण्यासाठी हे उपयुक्त आहे. गुलाबाच्या 12 प्रकारांच्या अभ्यासात गुलाब चहामध्ये फिनॉलचे प्रमाण आणि अँटिऑक्सिडंट्स ग्रीन टीच्या समान किंवा त्याहून अधिक असल्याचे आढळून आले. गुलाबाचा चहा विशेषतः गॅलिक ऍसिडमध्ये समृद्ध आहे. या अँटीऑक्सिडंटमध्ये कर्करोगविरोधी, प्रतिजैविक, दाहक-विरोधी आणि वेदनशामक प्रभाव करण्याची क्षमता असते.

हायड्रेशनपासून संरक्षण करण्यास मदत करते- गुलाब चहा प्रामुख्याने पाण्यापासून बनवला जातो. दररोज एक कप चहा प्यायल्याने डिहायड्रेशन टाळता येते. डिहायड्रेशनमुळे तुम्हाला थकवा जाणवू शकतो, डोकेदुखी, त्वचेच्या समस्या, कमी रक्तदाब आणि हृदय गती वाढू शकते.

मासिक पाळीच्या वेदना कमी करू शकतात- मासिक पाळीच्या वेदना सुमारे 50% मुली आणि स्त्रियांना प्रभावित करतात, त्यापैकी काहींना मासिक पाळीच्या दरम्यान उलट्या, थकवा, पाठदुखी, डोकेदुखी, चक्कर येणे आणि अतिसार इ. त्रासाला सामोरं जावे लागते. बऱ्याच स्त्रिया वेदनाशामक औषधांऐवजी इतर मार्गांना प्राधान्य देतात. गुलाबाच्या कळ्या किंवा पानांपासून बनवलेला चहा मासिक पाळीच्या वेदना कमी करण्यासाठी वापरला जाऊ शकतो.

गुलाब चहा कसा बनवायचा- जर तुम्ही ताज्या पाकळ्यांचा चहा बनवत असाल तर तुम्हाला सुमारे 2 कप धुतलेल्या गुलाबाच्या पाकळ्या लागतील. त्यांना 3 कप (700 मिली) पाण्यात सुमारे 5 मिनिटे उकळा. चहा उकळल्यानंतर गाळून घ्या आणि प्या. जर तुम्ही वाळलेल्या पाकळ्या किंवा कळ्या वापरत असाल तर एका कपमध्ये 1 मोठा चमचा गुलाबाच्या पाकळ्या घाला आणि उकळत्या पाण्यात 10-20 मिनिटे भिजवा. जर तुम्हाला चव वाढवायची असेल तर तुम्ही त्यात थोडे मध देखील घालू शकता.गुलाब चहा कसा बनवायचा- जर तुम्ही ताज्या पाकळ्यांचा चहा बनवत असाल तर तुम्हाला सुमारे 2 कप धुतलेल्या गुलाबाच्या पाकळ्या लागतील. त्यांना 3 कप (700 मिली) पाण्यात सुमारे 5 मिनिटे उकळा. चहा उकळल्यानंतर गाळून घ्या आणि प्या. जर तुम्ही वाळलेल्या पाकळ्या किंवा कळ्या वापरत असाल तर एका कपमध्ये 1 मोठा चमचा गुलाबाच्या पाकळ्या घाला आणि उकळत्या पाण्यात 10-20 मिनिटे भिजवा. जर तुम्हाला चव वाढवायची असेल तर तुम्ही त्यात थोडे मध देखील घालू शकता.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

Rose Day: गुलाब फक्त प्रेमाचं प्रतीक नाही, आरोग्याचा खजिना आहे

Rose tea health benefits: गुलाबाला प्रेमाचं प्रतीक मानले जातं, परंतु गुलाबाचे अगणित आरोग्यदायी फायदे आहेत.

Also Read

Kurla News: उलट्या, जुलाब, ताप आणि चक्कर..., कुर्ल्यात मोमोज खाल्ल्यानंतर १६ जणांना विषबाधा

GATE 2027 Registration: आजपासून नोंदणी सुरू; जाणून घ्या अर्ज करण्याची प्रक्रिया, महत्त्वाच्या तारखा आणि परिक्षेची फी

Marathi News Live Updates : एका सक्षम पथकाची नियुक्ती केली आहे आणि सखोल चौकशी सुरू आहे - अहिर