जिंतूर (जि.परभणी) : पर्यावरण मुक्तीसाठी शाडू मातीपासून श्रीगणेशाच्या मूर्ती तयार करण्यात, इतरांनाही त्याचे प्रशिक्षण देण्यात व्यस्त जिंतूरचा योगेश होनराव हा अवलिया कलाकार व्यक्ती, प्राणी, पक्षी यांचे अगदी सहजतेने पेन्सिलीने चित्र तर रेखाटतो व तेवढ्याच ताकदीने वाॅटर व ऑईल कलरच्या रंगसंगतीने अंगभूत कलाकारीने मोहक चितारतो. त्याची ही कला रसिकांना भावविभोर करून सोडते. तालुक्यात आर्टिस्ट म्हणून ओळख असलेला परंतु प्रसिद्धीपासून दूर असलेल्या योगेश शिवानंद होनराव यास लहान पणापासून ड्रॉइंग आणि पेंटिंगची आवड असल्यामुळे बारावीनंतर कला क्षेत्रात शिक्षण घेण्याचं ठरवलं. सध्या पुण्यातील अभिनव कला महाविद्यालयात कलेचे शिक्षण घेत आहे. शिक्षण चालू असतानाच योगेशची माझी पेंटिंग, स्केचिंग पाहून त्याला पेंटिंगसाठी ऑर्डर येत.