नाशिक : शिवसेनेतील बंडखोरीमुळे राज्यभर वातावरण ढवळून निघाले आहे. शिवसेना पक्षप्रमुख उद्धव ठाकरे यांच्या समर्थनार्थ नाशिकमध्ये आज जोरदार घोषणाबाजी करीत शिवसैनिकांनी भव्य अशी रॅली काढून जोरदार शक्तिप्रदर्शन केले. या रॅलीचे नेतृत्व उपनेते सुनील बागुल, महानगरप्रमुख सुधाकर बडगुजर, जिल्हाप्रमुख विजय करंजकर, महापालिकेतील शिवसेनेचे माजी गटनेते अजय बोरस्ते यांनी केले. रॅलीला शालिमार येथील शिवसेना कार्यालयापासून सुरुवात झाली. उद्धव ठाकरे यांच्या समर्थनार्थ घोषणाबाजी करीत शिवसैनिकांनी परिसर दणाणून सोडला होता. शहरातील मुख्य रस्त्यावरून निघालेल्या या रॅलीत भगवा ध्वज आणि शिवसैनिकांची गर्दीने अवघे शहर भगवा मन झाले होते यावेळी बंडखोरांच्या विरोधात घोषणाबाजी शिवसैनिकांनी केले. शिवसैनिकानी अमरधाम बाहेर एकनाथ शिंदे, दादा भुसे व सुहास कांदे यांच्या यांच्या प्रतिकात्मक पुतळ्या चे दहन करत निषेध केला.