फोटोग्राफी

सोनम कपूरच्या नवऱ्याचे लंडनमधील ऑफिस पाहिले का?

शरयू काकडे

Updated:8th Sep, 2021 at 4:25 PM

बॉलिवूडची फॅशन क्वीन म्हणून ओळखली जाणारी अभिनेत्री सोनम कपूर लग्नानंतर लंडनमध्ये राहते. सोनमने तिच्या लंडनमधील आलिशान घराचे काही फोटो सोशल मीडियावर पोस्ट केले आहेत.

त्यानंतर आता सोनमने तिच्या लंडनमधील स्टुडीओ आणि पती आनंद अहूजा याच्या ऑफिसचेही काही फोटो शेअर केले आहे.

सोनमने प्रदर्शनाची जागा (exhibition space) स्टुडीओमध्ये प्रवेश करतानाच्या पायऱ्या, स्टडी आणि पॉवडर रूम असे काही फोटोज् इन्स्टाग्रामवर शेअर केले आहे. एका फोटोत प्रवेशद्वाराच्या पायऱ्यांवर एक कार्पेट आहे आणि त्यावर लटकते दिवे लावले आहे. पायऱ्यांच्या डाव्या बाजूला एका कॅबिनेटवर सोनमचा आवडता व्हिन्सेंट डॅरी फुलदाणी उभी केली आहे.

पियरे जीनेरेट डेस्कवर सोनम बसली असून तिच्या मागे लॅम्प ठेवला आहे. डेस्कच्या बाजूला एक गालिचावर खुर्ची उभी केली आहे. ओरिओरने डिझाइन केलेले व्हाईट मॅन टेबलवर तिच्या मागे एक मेणबत्ती ठेवलेली दिसते. उजव्या भिंतीला लुबना चौधरी यांनी सिरेमिक कलाकृतींनी सुशोभित केले होते, त्याला पॅनोरामिक (2016) असे म्हणतात.

त्यानंतर एका फोटोमध्ये स्टुडिओ पावडर रूममध्ये सोनमने कोको चॅनेलपासून ते मेरी क्यूरीपर्यंत प्रेरणादायी स्त्रियांचा समावेश वैशिष्ट्यपूर्ण म्युझ वॉलपेपर लावले आहेत. त्यानंतर एका फोटोमध्ये दिव्याच्या प्रकाशाखाली एक टेबल ठेवलेला दिसत आहे.

सोनमने अलेक्झांडर मॅक्वीन(Alexander McQueen) यांनी डिझाईन केलेल्या इसे मियाके चोचिन( Issey Miyake Chochin ) ड्रेसमध्ये तिच्या लंडन स्टुडिओमध्ये फोटोशूट केले. एका फोटोमध्ये सोनम तिच्या स्टुडिओमध्ये प्रदर्शनाच्या जागेत (exhibition space) पियरे ऑगस्टीन रोज सोफा (Pierre Augustin Rose sofa)शेजारी उभी होती.

'ज्या क्षणापासून आम्ही त्या कोपऱ्याला सुंदर पण रंगीबेरंगी स्वरुपात बदलून या 3 मजल्याच्या युनिटमध्ये प्रवेश केला, तेव्हा आम्हाला माहीत होते की, आम्हाला इथे बरेच काही गवसले आहे.'' अशा शब्दात नव्या स्टुडीओ आणि नवऱ्याच्या ऑफिसबाबत सोनमने भावना व्यक्त करत इन्स्टाग्रामवर पोस्ट केली आहे.

'निखिल मनसता हे बहू-आयामी, बहु-प्रतिभाशाली प्रेरणादायी व्यक्तीमत्व आहे. तो माझ्या जवळच्या मित्रांपैकी एक आहे. आपल्या कॉम्लेक्स पण सुंदर वारशाच्या अभिमान बाळगत आम्ही दोघेही भारतामध्ये लहानचे मोठे झालो. आम्ही गेले वर्ष या घराला शांततापूर्ण परंतू प्रेरणादायी पवित्र ठिकाणात रूपांतरित करण्यासाठी घालवले, ज्यातून दक्षिण आशियाई वारशाबद्दलचे आमचे प्रेम दर्शविले जात आहे.'' असे तिने या पोस्टमध्ये सांगितले.

आर्किटेक्चरल डायजेस्ट या मासिकासाठी हे फोटोशूट करण्यात आले आहेत. सोनमने त्यासाठी आर्कडिजेस्ट इंडियाचे आभार देखील पोस्टमध्ये व्यक्त केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT