फोटोग्राफी

स्वयंपाक घरातील 'या' ७ पदार्थांना नाही एक्सपायरी डेट!

टेन्शन नॉट! वर्षानुवर्ष सहज टिकतात 'हे' पदार्थ

शर्वरी जोशी

Updated:25th Jun, 2021 at 12:26 PM

दैनंदिन जीवनात वापरात येणाऱ्या प्रत्येक गोष्टीला एक एक्सापयरी म्हणजेच अंतिम मुदत दिलेली असते. त्या ठराविक मुदतीनंतर तो पदार्थ किंवा वस्तू खराब होते. ज्यामुळे तिचा पुन्हा वापर करणं आपल्याला शक्य होत नाही. मात्र, आपल्या स्वयंपाक घरात असे काही पदार्थ आहेत ज्यांची एक्सपायरी डेट कधीच संपत नाही हे पदार्थ कोणते पाहुयात.

मीठ - मीठाशिवाय कोणताही पदार्थ पूर्ण होऊ शकत नाही. त्यामुळे मीठ हा स्वयंपाक घरातील अत्यंत महत्त्वाचा घटक आहे. विशेष म्हणजे पदार्थ टिकवण्यासाठीही मीठाचा वापर केला जातो. त्यामुळे जर मीठाची नीट साठवणूक केली तर ते वर्षानुवर्ष छान टिकून राहतं. तसंच त्याची चवही बदलत नाही.

व्हिनेगर - चायनीज पदार्थांमध्ये आंबटपणा आणणाऱ्या व्हिनेगरला एक्सपायरी डेट नसते. त्यामुळे ते फ्रीजमध्ये वर्षानुवर्ष टिकू शकतं.

सोया सॉस - चीन, कोरिया,जपान या ठिकाणी सर्वात जास्त वापर होणारा सोया सॉसदेखील ३ वर्ष सहज टिकू शकतो. हवाबंद डब्यात भरुन हा सॉस फ्रेजमध्ये ठेवला तर तो आरामात ३ वर्ष राहू शकतो.

मध - मध - कधीही शिळा न होणारा पदार्थ म्हणजे मध. हवाबंद डब्यात मध बराच काळ राहू शकतो.

साखर - साखरदेखील वर्षभर छान टिकू शकते. मात्र, ती साठवताना प्लास्टिकच्या पिशवीत भरुन त्यात ५-६ लवंगा आवर्जुन घालाव्यात. त्यामुळे ती पावसाळ्यातही ओलसर किंवा चिकट होत नाही.

डाळ - डाळींना एरंडेल तेल लावून ठेवल्यास डाळी २ वर्ष आरामात टिकतात.

तांदूळ - भारतीय खाद्य संस्कृतीमध्ये तांदळाला विशेष महत्त्व आहे. आपल्याकडे तांदळापासून अनेक पदार्थ तयार करण्यात येतात. विशेष म्हणजे अनेक जण वर्षभरासाठीही तांदूळ साठवून ठेवतात. त्यामुळे जर तांदूळ नीट कडक उन्हात वाळवून, कोरड्या जागी ठेवले तर ते बरीच वर्ष टिकू शकतात.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

स्वयंपाक घरातील 'या' ७ पदार्थांना नाही एक्सपायरी डेट!

टेन्शन नॉट! वर्षानुवर्ष सहज टिकतात 'हे' पदार्थ

Also Read

Pandharpur Ashadhi Ekadashi Live Updates : मुख्यमंत्री देवेंद्र फडणवीस यांच्या हस्ते विठ्ठल-रुक्मिणीची शासकीय महापूजा संपन्न