तुळजापूर (जि.उस्मानाबाद ) : तुळजापूर खुर्द येथील श्री तुळजाभवानी मंदिराच्या कलशारोहण कार्यक्रमानिमित्त भव्य जलयात्रेचा सोहळा बुधवारी (ता.२७) पार पडला. येथील पापनास तीर्थ कुंड मंदिरापासून सकाळी नऊ वाजण्याच्या सुमारास जलयात्रेस प्रारंभ झाला. प्रारंभी कळसाचे पूजन करण्यात आले. अग्रभागी रथामध्ये कळस ठेवण्यात आला. छत्रपती शिवाजी महाराज पुतळा, डाॅ. बाबासाहेब आंबेडकर पुतळामार्गे तुळजाभवानी मंदिरात कळस मिरवणुकीने आला. कलशाची तुळजाभवानी मंदिरात प्रदक्षिणा झाली.