देवगांव रंगारी (जि.औरंगाबाद) : भारतीय लष्करात सतरा वर्षांच्या प्रदीर्घ देशसेवेनंतर सेवानिवृत्त झालेले कन्नड तालुक्यातील ताडपिंपळगांव येथील सुपुत्र फौजी सतपालसिंग शिवसिंग महेर यांचे ग्रामस्थांच्या वतीने जंगी स्वागत करण्यात आले. हातात तिरंगा देऊन घोड्यावर बसवून जंगी मिरवणूक काढण्यात आली. देशसेवा करून आपल्या घरी परतणाऱ्या जवानास ताडपिंपळगांव येथील ग्रामस्थांनी अनोखा सॅल्यूट ठोकला आहे. सतरा वर्षांची प्रदीर्घ सेवा बजावल्यानंतर ते आपल्या मुळगावी परतले आहेत. ताडपिंपळगाव ग्रामस्थांनी जातपात, धर्म, पंथ गट-तट विसरून जल्लोषात मिरवणूक काढली.