सोनमर्ग-गुलमर्ग विसरा, काश्मीरमधील 'या' 5 सुंदर ठिकाणांना भेट द्या!

सकाळ डिजिटल टीम

Updated:18th Mar, 2022 at 1:17 PM

काश्मीर म्हणजे पृथ्वीवरील स्वर्ग असे म्हटले जाते. येथील आदरातिथ्य, बर्फाच्छादित शिखरे, सुंदर दऱ्या आणि दल सरोवराचे चित्तथरारक दृश्य काश्मीरपेक्षा सुंदर भारतात दुसरे काहीही नाही याची साक्ष देतात. काश्मीरबद्दल बोलायचे झाले तर, श्रीनगर, गुलमर्ग, पहलगाम या ठिकाणांची नावे प्रथम येतात.पण काश्मीरच्या खोऱ्यांमध्ये आणखीही अनेक सुंदर ठिकाणे आहेत जी फार कमी लोकांना माहिती आहेत.

युसमार्ग(Yousmarg)- हे ठिकाण श्रीनगरपासून ४५ किलोमीटर अंतरावर बडगाम भागात येते. युसमार्ग - सफरचंद, पेरू आणि पुदीना लागवडीसाठी आणि अल्पाइनच्या दाट जंगलांसाठी लोकप्रिय आहे. जर तुम्हाला भारतात युरोपियन वाईबचा आनंद घ्यायचा असेल, तर तुम्हाला युसमार्गपेक्षा चांगले ठिकाण मिळणार नाही. येथील दृश्य तुम्हाला युरोपची आठवण करून देईल

गुरेझ (Gurez Valley) आपल्या सुंदर तलावांसाठी प्रसिद्ध गुरेझ हे श्रीनगरपासून सुमारे 130 किलोमीटर अंतरावर आहे. गुरेझ व्हॅली रोड उत्तर काश्मीरच्या बाहेरील मनसाबल आणि वूलर तलावाची चित्तथरारक दृश्ये दिसतात. इथे पोहोचल्यावर तुम्हाला किशनगंगा नदीसह इतर अनेक प्रवाह दिसतील. लाकडी घरे, सुंदर वस्ती आणि चित्तथरारक दृश्ये तुम्हाला मंत्रमुग्ध करतील.

अरु व्हॅली(Aru Valley) - अरु व्हॅली हे पहलगामपासून 12 मैल अंतरावर असलेले एक छोटेसे हिल स्टेशन आहे. तुम्ही धबधबे, उंच शिखरे आणि निसर्गाच्या सानिध्यात राहण्यास प्राधान्य देत असल्यास, हे तुमच्यासाठी योग्य आहे. तुम्ही इथे भेट दिल्यास, लिद्दावत व्हॅलीला भेट द्यायला विसरू नका, जी कोलोहोई ग्लेशियर आणि तारसर-मनसार लेक ट्रेकसाठी प्रसिद्ध आहे. बेताब आणि और बैसारन व्हॅली देखील इथे खूप जवळ आहेत.

तुलाई व्हॅली (Tulai Valley) - या ठिकाणी भेट दिल्याशिवाय तुमचा काश्मीर प्रवास अपूर्ण आहे. हे ठिकाण म्हणजे काश्मीरमध्ये लपवलेला खजिना आहे. गुरेझ व्हॅलीसह या ठिकाणी भेट देता येते त्यामुळे हे नाव तुमच्या यादीत असणे आवश्यक आहे. तुलाई व्हॅलीकडे निघाल्यावर तुम्हाला बरनाई, चकवाल, कशपातआणि जरगाई सारखी अनेक सुंदर गावे देखील दिसतील.

लोलाब व्हॅली (Lolab Valley) - वादी-ए-लोलाब म्हणून ओळखले जाणारे हे ठिकाण काश्मीरमधील सर्वात शांत ठिकाणांपैकी एक आहे. सफरचंदाच्या बागा, नद्या आणि भातशेती या ठिकाणाला आणखी सुंदर बनवतात. लोलाब व्हॅलीला बांदीपोरा जिल्ह्यापासून वेगळे करणाऱ्या नागमर्गच्या सौंदर्याला तोड नाही. हे ठिकाण सुंदर सहलीपासून फोटोग्राफीपर्यंत सर्व गोष्टींसाठी योग्य आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

सोनमर्ग-गुलमर्ग विसरा, काश्मीरमधील 'या' 5 सुंदर ठिकाणांना भेट द्या!

Also Read

थरारक प्रसंग! आंबेनळी घाटात कार थेट 100 फूट दरीत कोसळली; 10 वर्षांच्या मुलाच्या कॉलमुळे वाचले पाच जणांचे प्राण

Kolhapur Muncipal : महापालिका निवडणुकीत महायुतीचाच झेंडा; समन्वय ठेवा, नाराजांची समजूत काढा – रविंद्र चव्हाण

Ashes Series : २६२ धावा, २० विकेट्स! AUS vs ENG चौथ्या कसोटीत गोलंदाजांची हवा, स्टीव्ह स्मिथचा 'झापूक झूपूक' चेंडूवर दांडा गुल Video

Thane Crime: मानवतेला काळीमा फासणारी घटना! ७ दिवसांचं बाळ ६ लाखांत सौदा अन्...; बालतस्करीचे भयंकर वास्तव समोर