Vladimir Putin GRACEFUL Yacht Sakal
गेल्या काही दिवसांपासून रशिया-युक्रेनमधील तणाव वाढत आहे. रशियानेही आक्रमक भुमिका घेतली आहे. युक्रेनच्या मुद्द्यावरून अमेरिका आणि रशियात चांगलीच जुंपली असून रशियावर कठोर निर्बंध घालण्याची धमकी दिली आहे. परंतु रशियानेही या धमक्यांना भीक घालत नसल्याचं सांगत आक्रमक भुमिका घेतली आहे. रशियाचे अध्यक्ष व्लादिमीर पुतिन (Vladimir Putin) हे जगातील सर्वात प्रभावी नेत्यांपैकी एक आहेत. पुतीन एखाद्या राजासारखे जगतात. व्लादिमीर पुतिन यांच्या 'ग्रेसफुल' यॉटकडे (GRACEFUL Yacht) बघितलं की त्यांच्या जीवनशैलीचा अंदाज येतो.
1. रशियाचे अध्यक्ष व्लादिमीर पुतिन हे सध्याच्या जगातील सर्वात शक्तिशाली नेत्यांपैकी एक मानले जातात. काही जागतिक अहवालांनुसार पुतीन हे जगातील सर्वात श्रीमंत लोकांपैकी एक आहेत. पुतिन यांची वैयक्तिक संपत्ती तब्बल 220 अब्ज डॉलर्सपेक्षाही जास्त असल्याचं बोललं जाते. परंतु पुतिन हे सर्व दावे खोटे असल्याचं सांगत आपण वर्षाला फक्त 135,000 डॉलर्स च्या राज्य वेतनावर जीवन व्यथित करतो. परंतू रशियन राष्ट्रपती राजासारखे जगतात, असं बोललं जाते.
2. राजकीय समीक्षक बोरिस नेमत्सोव्ह यांनी पुतिन यांच्याकडे प्रचंड संपत्ती आरोप केला आहे. पुतिन यांच्याकडे 43 विमाने, 7000 कार, 15 हेलिकॉप्टर आणि 4 सुपरयाटचा आहेत तसेच मॉस्कोच्या बाहेरील भागात अत्यंत सुरक्षित असलेल्या 'बिलेनियर्स विलेज'मध्ये व्लादिमीर पुतिन यांचा भव्य महाल असल्याचा आरोप केला आहे. हा महाल बंकिगहॅम पॅलेसच्या जवळपास दुप्पट आकाराचा असल्याचं त्यांनी म्हटलं आहे. ग्रेसफुल ही 270 फूट लांबीच्या अल्ट्रा-लक्झरी यॉट असून ती रशियाचे अध्यक्ष व्लादिमीर पुतिन यांच्या मालकीची आहे, असं बोललं जातं. 2005 मध्ये ग्रेसफुलच्या निर्मितीला सुरूवात करण्यात आली होती. तब्बल 100 दशलक्ष डॉलर किंमतीची ही यॉट अतिशय अलिशान आहे असून अतिशय सोयीसुविधांनी युक्त अशी आहे. ग्रेसफुल अर्खंगेल्स्कजवळील रशियन शिपयार्ड सेव्हमाश येथे तिची बांधणी सुरु होती. सेव्हमाश हे रशियातील सर्वात मोठे जहाज बांधणी संकुल असून रशियन नौदलाच्या आण्विक पाणबुड्या निर्मितीसाठी ते ओळखले जाते. 2010 मध्ये ही यॉट बांधून पूर्ण झाल्यानंतर उर्वरीत कामासाठी तिला जर्मनीला पाठवले जाणार होते.
परंतु नॉर्वेजवळ एका जोरदार वादळामुळे यॉटचे नुकसान झाले. त्यामुळे या प्रकल्पाला बराच विलंब झाला. नंतर ते काम पूर्ण करण्यासाठी जर्मनीतील ब्लोहम आणि वॉस येथे नेण्यात आले आणि अखेरीस 2014 मध्ये ती पूर्णपणे तयार झाली. त्यानंतर गेल्या वर्षी सप्टेंबरमध्ये ही यॉट ब्लोहम आणि वॉसकडे रिफिटिंगसाठी परत आली होती. येथे यॉटचे इंजिन ओव्हरहॉल केले गेले. याशिवाय यॉटमध्ये दोन बाल्कनी आणि जलतरण तलाव इत्यादी गोष्टीही वाढवण्यात आल्या.
ग्रेसफुलची लांबी 82 मीटर असून तिच्यामध्ये 2 MTU इंजिन आहेत, ही इंजिन यॉटला 14 नॉट्सचा क्रूझिंग स्पीड आणि 18 नॉट्सचा टॉप स्पीड देतात. या यॉटची रेंज 4,000 नॉटिकल मैलांपेक्षा जास्त आहे. स्टील आणि अॅल्युमिनियमपासून ही स्लीक सुपरयॉट बनवली असून H2 यॉट डिझाईनद्वारे डिझाइन तिचे डिझाईन केले गेलं आहे. या सुपरयाटमध्ये ट्राय-डेक डिझाइन आहे. ग्रेसफुलचे पॉश इंटीरियर विविध प्रकारचे साहित्य आणि टेक्सचरमध्ये पूर्ण केले आहे, ज्यात टूलींग लेदर, टेपेस्ट्री वॉल, मार्क्वेट्री, संगमरवरी, स्टेनलेस स्टील, आबनूस आणि सागवान आणि बरेच काही समाविष्ट आहे. सुपरयाट 12 अतिथी आणि 14 क्रू मेंबर सामावून घेण्याइतके मोठे आहे.
या यॉटचं वैशिष्ट्य म्हणजे वैशिष्ट्य म्हणजे यॉटमधील १५ मीटर लांब आणि तीन मीटर रुंदीचा इनडोअर स्विमिंग पूल होय. वाईन सेलरमध्ये 400 बाटल्या नेता येऊ शकतात. यॉटच्या वरच्या डेकवर एक मोठी लायब्ररी आहे, ज्यामध्ये कार्यालय देखील आहे. एवढेच नाही तर EC135 हेलिकॉप्टर उतरण्यासाठी हेलिडेकदेखील आहे. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.