मुंबई - कोरोनाच्या काळात इतर क्षेत्रांप्रमाणेच मनोरंजन क्षेत्रालाही मोठ्या प्रमाणात झळ बसली आहे. या क्षेत्रातील मोठमोठ्या सेलिब्रेटींना आर्थिक संकटाचा सामना करावा लागत आहे. मात्र आता परिस्थिती थोड्या फार प्रमाणात पूर्वपदावर येताना दिसत आहे. गेल्या महिनाभरापासून वेगवेगळ्या वेबसीरिज आणि चित्रपट मोठ्या प्रमाणावर प्रसिद्ध होताना दिसत आहेत. ऑगस्टच्या पहिल्या आठवड्यात काही वेबसीरिज आणि चित्रपट प्रदर्शित होणार आहे. त्या वेबसीरिज आणि चित्रपट कुठले याची माहिती घेऊयात. (web series ott show this week movies and web series will entertain yst88)
डायल 100 द फॅमिली मॅनच्या मोठ्या यशानंतर अभिनेता मनोज वाजपेयीचा चित्रपट प्रेक्षकांच्या भेटीला येणार आहे. तो 6 ऑगस्टला झी 5 वर प्रदर्शित होणार आहे. त्याचे नाव डायल 100 असे आहे. त्यात नीना गुप्ता आणि साक्षी तंवर हे कलाकारही दिसणार आहेत. रेसिल डीसिल्वा यांनी दिग्दर्शित केलेला हा चित्रपट थ्रिलर ड्रामा या प्रकारातील आहे. एस ओ झेड सोल्जर्स अँज झोंबीज रिगाबेटरे कास्टानेडा या दिग्दर्शकानं दिग्दर्शित केलेली ही मालिका अॅमेझॉन प्राईमवर 6 ऑगस्टला प्रदर्शित होणार आहे. सायन्स फिक्शन या विषयावर आधारित असलेली ही मालिका आठ भागांची आहे. ज्यात मेक्सिकन वाळवंटातील थरारक वर्णनं पडद्यावर पाहण्याची संधी प्रेक्षकांना मिळणार आहे. मिस्टर कॉर्मन - अॅपल टीव्ही प्लसवर 6 ऑगस्टला ही वेबसीरिज प्रदर्शित होणार आहे. त्यात जोसेफ गार्डन - लेविट आणि आटूरो कॅस्ट्रो यांच्या भूमिका आहेत. जोसेफ लेविट यांनी या मालिकेचं दिग्दर्शन केलं आहे. अमेरिकन कॉमेडी या प्रकारात मोडणारी ही मालिका आहे. नवरसा - ज्या वेबसिरिजचा विषय आणि ट्रेलरनं प्रेक्षकांची उत्सुकता शिगेला पोहचली होती ती वेबसीरिज म्हणजे नवरसा. ती 6 ऑगस्टला नेटफ्लिक्सवर प्रदर्शित होणार आहे. ही तमिळ भाषेतील मालिका असून ती वेगवेगळ्या भाषांमध्ये देखील प्रदर्शित होणार आहे. त्याची निर्मिती मनिरत्नम यांनी केली आहे. त्यात सूर्या, विजय सेतुपति, मणिकुट्टन आणि अशोक सेलवन यांच्या प्रमुख भूमिका आहेत. मानवी भाव भावनांना व्यक्त करणारे जे 9 रस आहेत त्या मुख्य संकल्पनेवर ही मालिका आधारित आहे. द सुसाईड स्क्वाड - जेम्स गुन्न यांनी दिग्दर्शित केलेला हा चित्रपट एचबीओ मॅक्सवर 5 ऑगस्टला प्रदर्शित होणार आहे. त्यात मार्गोट रोबी, इदरीस एल्बा, जॉन सिना, सिल्वेस्टर स्टेलॉन प्रमुख भूमिकेत आहे. प्रे अवे - रयान मर्फी यांची निर्मिती असलेला हा माहितीपट 3 ऑगस्टला प्रदर्शित होणार आहे. राजकीय नेत्यांच्या रुपांतरण चिकित्साच्या आंदोलनावर आधारित या माहितीपटाची गेल्या काही दिवसांपासून प्रेक्षकांना उत्सुकता आहे. या माहितीपटानं ट्रिबेका फिल्म फेस्टिव्हलमध्ये पुरस्कार मिळवला आहे. नुवुन्ते ना जठगा तेलुगू भाषेतील हा चित्रपट उद्या अॅमेझॉन प्राईम प्रदर्शित होणार आहे. एका वेगळ्या विषयावर आधारित असलेला हा चित्रपट प्रेक्षकांसाठी आगळी पर्वणी ठरणार आहे. संजय करलापुडी यांनी दिग्दर्शित केलेल्या या चित्रपटात राजशेखर अनिंगी, श्रीकांत बिरोजु आणि रफीक्षा यांच्या प्रमुख भूमिकेत दिसणार आहे. मध्यमवर्गीय कुटूंबातील सत्य घटनांवर आधारित हा चित्रपट आहे. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.