बरीच कारणे असतात ज्यामुळे लहान मुलांनाही तणावाचा त्रास उद्भवू शकतो. बऱ्याचवेळी मुलांना काही मानसिक आजारांचा सामना करवा लागतो. यामुळे त्यांच्या खाण्यापिण्याच्या सवयी बदलू शकतात. खाण्याच्या सवयींमध्ये काही अडचणी येणे, झोपेतच भयानक स्वप्न पडणे, कोणतीही व्याधी नसताना पोटात दुखणे अशी लक्षणे आढळल्यास मुलं तणावाखाली आहेत हे सिद्ध होते. यामध्ये डोके दुखण्याचे प्रमाणही वाढू शकते.
जर मुले वारंवार घाबरत असतील, झोपेतून दचकून जागे होत असतील. खाण्यापिण्यात काही बदल झाले असतील तर समजून जा की ती कोणत्यातरी तणावाखाली आहेत. ज्यामुळे ते डिर्स्टब आहेत. अशा वेळी प्रेमाने, मायेन त्यांना समजून घेणं आणि त्यांची मदत करणे गरजेचं आहे.
तुमचे काही नातेवाईक किंवा मुलाचे मित्रमंडळ हे कोणत्या एका गोष्टीवरून मुलाला डिवचत असतील जे त्याला पसंद नाही. अशाने तो चिडचिड करु शकतो. यामुळे घरचे वातावरणही सुनिश्चित, आनंददायी असणे गरजेचे आहे. कारण आई-बाबा किंवा घरातील कुणी सदस्य घरामध्ये वाद किंवा भांडण घालत असतील तर ते मुलांच्या मानसिकतेवर परिणाम करते. मुलं काही कारणाने आक्रमक होत असतील तर हे तणावाखाली असण्याचे एक लक्षण आहे. मित्रांसोबत वाद, मारामारी होत असेल तर त्यांच्या मानसिकतेवर परिणाम होऊ शकतो. घरी एखाद्या महत्वाच्या व्यक्तीचा मृत्यू झाला असेल तर त्याचा परिणाम मुलांच्या बालमनावरही होऊ शकतो. अशावेळी मुलेही तणावाच्या वातावरणात असतात. यावेळी तुम्ही मुलांना समजून घेणे आवश्यक आहे. त्यांना काही बोलायचे असल्यास किंवा सांगायचे असल्यास मनमोकळ्या गप्पा मारणे आवश्यक आहे. बोलण्यास प्रोत्साहन देणे आणि त्यांचेही प्रश्न ऐकून घेऊन त्यावर योग्य ते उत्तर देणे महत्वाचे असते. सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.