मुंबई - बॉलीवूडचा प्रसिद्ध गायक यो यो हनी सिंग (yo yo honey singh) याच्यावर पत्नीनं कौटूंबिक हिंसाचाराचे आरोप केले होते. तो आपल्याला शाररीक आणि मानसिक त्रास देतो असे तिनं आपल्या याचिकेमध्ये म्हटले होते. आपल्या आवडत्या गायकावर झालेल्या या आरोपांनी हनी सिंगच्या चाहत्यांना मोठा धक्का बसला होता. त्यामुळे तो मोठ्या प्रमाणात ट्रोलही झाला होता. त्या प्रकरणावर सुनावणी सुरु असून त्यात हनी सिंगनं कोर्टाकडे एक मागणी केली होती. आपल्याला या प्रकरणाची सुनावणी इन कॅमेरा हवी आहे. अशी ती मागणी होती. गेल्या काही दिवसांपासून हनी सिंगचं कौटूंबिक हिंसाचाराचं प्रकरण चर्चेत आहे. दिल्लीतील तीस हजारी कोर्टामध्ये त्याच्या प्रकरणाची सुनावणी सुरु आहे.