पारोळा : चोरवड (ता. पारोळा) येथे भरधाव दुचाकी गावाजवळ असलेल्या अंजनी नदीच्या पुलाच्या कठड्याला धडकल्याने झालेल्या भीषण अपघातात एकाचा जागीच मृत्यू झाला तर दोन जण जखमी झाले. ही घटना शुक्रवारी (ता. ३०) रात्री साडेदहाच्या सुमारास घडली.(1 killed 2 injured in a motorcycle accident jalgaon latest news)

आंचळगाव (ता. भडगाव) येथे रवींद्र भावलाल पाटील यांच्या शेतात काम करणारे मध्य प्रदेश येथील मजूर दिनेश लकडिया भामट्या (वय ३०), विकास तुकोजी सोलंकी, जतन्या किच्या आर्या (सर्व रा. दुगानी, ता. जि. बडवानी, मध्य प्रदेश) हे पारोळाकडून दुचाकीने (एमएच १९, एमव्ही १९९०) आंचळगाव येथे शेतीच्या कामासाठी जात असताना तालुक्यातील चोरवड येथील अंजनी नदीच्या पुलावर असलेल्या लोखंडी कठड्याला आदळली.

त्यात दिनेश लकडिया भामट्या याच्या डोक्याला जोरदार मार लागल्याने त्याचा मृत्यू झाला तर अन्य दोन जखमी झाले. याबाबत पारोळा पोलिसात जतन्या किच्या आर्या यांनी फिर्यादी दिल्यावरून गुन्हा दाखल करण्यात आला आहे.