Jalgaon News : जिल्ह्यात नोव्हेंबरमध्ये झालेल्या ग्रामपंचायत निवडणुकीत निवडून आलेल्या सदस्यांनी जातवैधता प्रमाणपत्रासाठी जिल्हा जात प्रमाणपत्र पडताळणी समितीकडे अर्ज केले आहेत‌. (28 deadline for objections to caste validity certificate application jalgaon news)

या सदस्यांच्या जातवैधता प्रस्तावाबाबत काही आक्षेप असल्यास २७ डिसेंबरपर्यंत ते जिल्हा समितीकडे नोंदवावेत, असे आवाहन जळगाव जिल्हा जात प्रमाणपत्र पडताळणी समितीचे उपायुक्त तथा सदस्य व्ही. एम. वाकुलकर यांनी केले. मागासवर्गीय उमेदवारांचे जातवैधता प्रमाणपत्रासाठी जिल्हा समितीकडे अर्ज प्राप्त झाले आहेत‌. जे उमेदवार मागासवर्ग प्रवर्गातून निवडून आले होते.

त्या उमेदवारांच्या अर्जावर समिती स्तरावर कार्यवाही सुरू असून, निवडून आलेल्या उमेदवारांच्या दाव्याबाबत कोणाला काही हरकत, आक्षेप असेल, तर त्यांनी २७ डिसेंबर २०२३ पर्यंत समिती स्तरावर आपली हरकत, आक्षेप, लेखी स्वरूपात शपथपत्रावर पुराव्यासह सादर करावेत.

वैधता प्रमाणपत्र निर्गमित झाल्यानंतर आक्षेपाची दखल घेण्यात येणार नाही, याची नोंद घ्यावी. साध्या कागदावर निनावी, पुराव्याशिवाय घेतलेल्या आक्षेपाची दखल घेण्यात येणार नाही, असे श्री. वाकुलकर यांनी कळविले आहे.