जळगाव : शहरातील तांबापुरा परिसरात सोरट जुगार (Gambling) सुरू असल्याच्या माहितीवरून पोलिसांनी छापा (Raid) टाकून पाच संशयितांना रोकडसह ताब्यात घेतले. एमआयडीसी पोलिसांत गुन्ह्याची नोंद झाली आहे. (5 arrested in gambling den raid jalgaon Latest crime news)

शहरातील तांबापुरा परिसरात टिपू सुलतान चौकात आडोशाला सोरट जुगार सुरू असल्याची गुप्त माहिती सहाय्यक फौजदार अल्ताफ पठाण यांना मिळाली होती. पोलिस निरीक्षक प्रताप शिकारे यांच्या सूचनेवरून गुन्हे शोधपथकाने नियोजनबद्धरीत्या छापा टाकला.

पोलिस पथकाने शेख आसिफ शेख अन्वर (वय ३९), शेख अकिल शेख अहमद (३८), रईसखान अकबरखान (२५), शेख हुसनोद्दीन शेख समसोद्दीन (३६) आणि फारुख लतीफ पटेल (२२) यांना रोकडसह अटक करण्यात आली असून, एमआयडीसी पोलिसांत गुन्ह्याची नोंद झाली आहे. सहाय्यक फौजदार अल्ताफ पठाण तपास करीत आहेत.