तरवाडे (ता.चाळीसगाव) : पिंपरखेड ता.चाळीसगाव येथे काल सायंकाळी तेरा वर्षीय एकुलत्या एक मुलाचा (Thirteen year old boy) त्यांच्याच शेतातील (farming) आंब्याच्या झाडाखाली (mango tree) आंबे वेचत होता. त्याच वेळी जोरात वारा आला आणि झाडाची फांदी (Tree branch) तुटून त्यांच्या अंगावर पडली. या घटनेत बालकाच्या डोक्याला जबर मार लागल्याने मृत्यू (death) झाल्याची घटना घडली.

(Thirteen year old boy mango tree branch Broken)

ईश्वर साळुंखे हे सोमवारी बाहेरगावी काही कामानिमित्त गेले होते. त्यांची पत्नी व मुलगा ओम (वय13) हे शेतात गुरांना चारा पाणी करण्यासाठी गेले होते. यावेळी त्यांचे गणेशपूर शिवारातील शेतातील आंब्याच्या झाडाखाली वादळामुळे आंबे पडलेले होते. त्याची आईसोबत आलेला ओम आंबे जमा करत होता तर आई काही अंतरावर बांधलेल्या गुरांना चारापाणी करत असतांना अचानक जोराचा वारा आला व त्यात आंब्याची मोठी फांदी तुटून आंबे वेचणाऱ्या ओमच्या अंगावर पडली व दुर्दैवाने त्याच्या डोक्याला जबर मार लागल्याने त्याच्या आईच्या डोळ्यादेखत ही घटना घडली.

मुलाला खांद्यावर घेत आईची धाव

त्याच्या आईने आरडाओरड केली मात्र जवळपास मदतीला कोणीही नसल्याने त्या मातेने स्वतः आंब्याच्या फांदीखाली दबलेला एककुलता एक मुलगा बाहेर काढला व बेशुध्द अवस्थेत खांद्यावर घेत गावाकडे यायला निघाली पुढे काही अंतर चालून गेल्यावर जवळपासचे शेतकरी मदतीला धावून आले व ओमला चाळीसगाव येथील देवरे हॉस्पिटलमध्ये आणले असता डॉक्टरांनी उपराआधीच मृत असल्याचे घोषीत केले.

ओम पहिल्यांदा गेला शेतात

ओमच्या मृत्यूबाबत जेंव्हा बाहेगावी गेलेल्या वडीलांना मोबाईलवर कळताच त्यांच्या पायाखालची जमीनच सरकली व तातडीने माघारी आले. यापुर्वी ओम कधीच शेतात जात नव्हता असे शेजारच्या शेतकऱ्यानी सांगितले.

कुटुंबावर शोककळा
आईवडीलांचा एकुलता मुलगा गेला तर बहिण तनुजा (वय 15) हिचा एकुलता एक लहान भाऊ आई व बहिणीसोबत शेतात हसत खेळत चालताबोलता गेले काही वेळात घरी जाणार तोच काही प्रमाणात वादळी वारा आल्याने आंब्याची फांदी पडताच होत्याच नव्हते झाले संपुर्ण गावात शोककळा मनमिळावू कुटुंब भाऊबंदकी नसतांना गावाशी मिळूनमिसळून राहणाऱ्या कुटुंबाच्या दुःखाने पुर्ण गावात हळहळ व्यक्त होत होती.