Ashadhi Ekadashi Special Train : ‘आषाढी एकादशी’ निमित्त पंढरपूरला जाण्यासाठी २८ जूनला भुसावळ येथून विशेष रेल्वेगाडी सोडण्यात येणार आहे. रेल्वे राज्यमंत्री रावसाहेब दानवे यांनी यास मान्यता दिली आहे. यासाठी खासदार रक्षा खडसे यांनी पाठपुरावा केला होता. (Ashadhi Ekadashi Special train from Bhusawal jalgaon news)

जळगाव व बुलडाणा जिल्ह्यासह परिसरातील वारकरी व भाविकांसाठी मध्य रेल्वेतर्फे पंढरपूर वारीसाठी अनारक्षित ‘विशेष आषाढी’ रेल्वे सोडण्यात यावी, अशी मागणी रावेर लोकसभेच्या खासदार रक्षा खडसे यांनी केंद्रीय रेल्वे राज्यमंत्री रावसाहेब दानवे यांच्याकडे केली असता त्यांनी २८ जूनला दुपारी दीडला भुसावळ स्थानक येथून रेल्वेगाडी सुटून २९ जूनला पहाटे साडेतीनला पंढरपूर येथे पोहचणार आहे, तर त्याच दिवशी रात्री साडेदहाला परतीसाठी निघणार असून, ३० जूनला दीडला भुसावळ येथे पोहचणार आहे, याबाबत माहिती दिली.

हेही वाचा : Credit Card फसवणूक....काय घ्याल काळजी?

जळगाव व बुलडाणा जिल्ह्यासह परिसरातील वारकरी व भाविकांसाठी २०१४ सालापासून खासदार रक्षा खडसे यांच्या प्रयत्नाने सदर भुसावळ - पंढरपूर - भुसावळ विशेष आषाढी रेल्वे सोडण्यात येत असून याला परिसरातील असंख्य वारकरी भाविकांना लाभ होत आहे. सदर रेल्वेत त्यांच्यामार्फत नाश्ता, जेवण, फराळ व पाण्याची स्वखर्चाने व्यवस्था करण्यात येते.