जळगाव: जळगावमधून मोठी राजकीय घडामोड समोर येत आहे. जिल्ह्यात भाजपला खिंडार पडलं आहे. मुक्ताईनगर आणि बोधवड नगरपालिकेतील ११ नगरसेवकांनी शिवसेनेत प्रवेश केला आहे. जळगाव जिल्ह्यातील एकनाथ खडसे यांचे हे समर्थक होते. भाजपच्या ११ नगरसेवकांचा मुख्यमंत्री उद्धव ठाकरे यांच्या उपस्थितीत शिवसेनेत पक्ष प्रवेश झाला आहे.

आज भाजपचे बोधवडचे नगराध्यक्ष आणि ११ नगरसेवक हे शिवसेनेत दाखल झाले. मुक्ताईनगर येथील एक नगर सेवक सेनेत दाखल झाला आहे. भाजपला हा मोठा धक्का मानला जात आहे. मुख्यमंत्र्यांनी या सर्वांना शुभेच्छा दिल्या असून कामाला लागा अश्या सूचना केल्या आहेत..