Jalgaon News : येथील शिवारात बैलगाडी शर्यतीत दोन गटांत हाणामारी झाली. ही घटना रविवारी (ता. १८) घडली. यात दोन तरुण जखमी असल्याची चर्चा आहे. मात्र, याबाबत पोलिसात गुन्हा दाखल झालेला नाही.

कजगाव-गोंडगाव शिवारात रविवारी (ता. १८) बैलगाडी शर्यतीचे आयोजन करण्यात आले होते. या दरम्यान बैलांना चाबूक मारण्याचा कारणावरून चाळीसगाव तालुक्यातील एका गावातील व भोरटेक येथील तरुणांमध्ये बाचाबाची झाल्यानंतर तुफान हाणामारी झाल्याची परिसरात चर्चा आहे.(Bull fight Two injured Jalgaon News)

या घटनेत चाळीसगाव तालुक्यातील दोन तरुण जखमी झाले असून, दवाखान्यात उपचारासाठी दाखल करण्यात आले आहे.

या घटनेचा व्हिडिओ व्हायरल झाला असून, हे दोन्ही गटांनी आपसात सामंजस्याने मिटविले असल्याचे बोलले जात आहे. यामुळे पोलिसात याबाबत कोणताही गुन्हा दाखल करण्यात आलेला नाही.

हेही वाचा : Credit Card फसवणूक....काय घ्याल काळजी?