जळगाव : शहरातील भवानी पेठ येथील सागर भवनजवळील दुकान फोडून दुकानातील ३८ हजार रूपयांची रोकड चोरट्यांनी लंपास (Theft) केल्याची घटना घडली आहे. याप्रकरणी शनीपेठ पोलिस ठाण्यात चोरट्यांविरोधात गुन्हा दाखल झाला आहे. (Cash stolen from smashed shop in Bhavani Pethe Jalgaon crime latest news)

शिरसोली रोड गायत्रीनगरात सुमित राजकुमार मंडोरे (वय ३२) कुटुंबीयांसह वास्तव्याला आहे. त्यांचे भवानी पेठेत सुधा इंटरप्रायजेस नावाचे दुकान आहे. शुक्रवारी (ता. ८) सायंकाळी ७ वाजता दुकान बंद करून घरी गेले. दरम्यान मध्यरात्री अडीच वाजेच्या सुमारास चोरट्यांनी दुकान फोडून दुकानातील ड्रावरमध्ये ठेवलेले ३८ हजार रूपयांची रोकड चोरून नेल्याचे उघडकीला आले.

हा प्रकार शनिवारी सकाळी ७ वाजता उघडकीला आला. त्यांनी शनीपेठ पोलिस ठाण्यात धाव घेऊन तक्रार दिली. त्यांच्या तक्रारीवरून चोरट्यांविरोधात दुपारी गुन्हा दाखल केला आहे. पुढील तपास पोलिस उपनिरीक्षक प्रदीप बोरूडे करीत आहे.