बोदवड : येथील प्रभाग क्रमांक १४ मधील सागर मधुकर तायडे (वय २५) याने शनिवारी (ता. १३) दुपारी एक ते दोनच्या दरम्यान राहत्या घरात छताला साडीच्या सहाय्याने गळफास घेऊन आत्महत्या केली. (committed suicide by hanging at residence jalgaon news)

त्याची आई शेतातून घरी आल्यावर घराचा दरवाजा उघडला असता सागर गळफास घेतलेल्या अवस्थेत दिसून आला.

बोदवड ग्रामीण रुग्णालयात शवविच्छेदन करून मृतदेह अंत्यसंस्कार करण्यासाठी नातेवाईकांच्या ताब्यात देण्यात आला.

या प्रकरणी बोदवड पोलिस ठाण्यात मृताचा भाऊ विकास तायडे याने दिलेल्या माहितीवरून अकस्मात मृत्यूची नोंद करण्यात आली आहे.

पोलिस कर्मचारी विनोद श्रीनाथ तपास करीत आहेत. बोदवड शहरात मागील एका महिन्यात नऊ युवकांनी तालुक्यात आत्महत्या केल्या आहेत.