जळगाव : शहरात लाभार्थी वापरत असलेली साडेचार हजारांहून अधिक घरकुले असून या घरकुलांकडे महापालिकेची १६ कोटींवर थकबाकी आहे. घरकुल मालमत्ता कर अधीक्षक कार्यालयात कर्मचाऱ्यांच्या अभावी वसुली होऊ शकत नसल्याची माहिती अधीक्षकांनी दिलेल्या माहिती अधिकाराच्या उत्तरातून समोर आली आहे.
जळगाव शहरात शिवाजीनगरसह पिंप्राळा व अन्य भागात तत्कालीन पालिकेच्या वतीने घरकुलांची निर्मिती करण्यात आली आहे. या घरकुलांच्या बाबतीत अनेक वादही निर्माण झालेत. या घरकुलांमध्ये जे लाभार्थी राहतात, त्यांच्या पात्रतेबाबतही आरोप- प्रत्यारोप होत आले आहेत. या घरकुलांना नाममात्र कर लावण्यात आला असला तरी त्याचा भरणाही झालेला नाही, किंवा मनपाकडून त्याची वसुली झालेली नाही.
१६ कोटींची थकबाकी
विविध भागात जवळपास ४ हजार ५४१ घरकुले आहेत. या घरकुलांकडे १५ कोटी ९५ लाख २१ हजार ३५५ रुपयांची थकबाकी आहे. काही घरकुलांकडे २० वर्षे, १५ वर्षे तर काही घरकुलांकडे ३० वर्षांपासूनची थकबाकी आहे.
कर्मचारीच नाहीत...
कर वसुली करण्यात येणाऱ्या अडचणींबाबत घरकुल अधीक्षकांनी कर्मचारीच नसल्याचे कारण दिले आहे. घरकुल अधीक्षक विभागात एकच अधीक्षक असून तेदेखील प्रभारी आहेत, विभागात एकच शिपाई असून तो अल्पदृष्टी व पॅरालिसीस झालेला आहे, अशी माहितीही माहिती अधिकारातून समोर आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.